നിലമ്പൂരില്‍ കാര്‍ മരത്തിലിടിച്ച് ബത്തേരി സ്വദേശി മരണപ്പെട്ടു
ബത്തേരി:ബത്തേരി അരിവയല്‍ പൊടിപ്പാറ തോമസ് ബാബു (62) ആണ് മരിച്ചത്. ഒപ്പമുണ്ടായിരുന്ന ഇദ്ദേഹത്തിന്റെ ഭാര്യ സാറാമ്മ(55), മകന്‍ സാജന്‍(25) എന്നിവരെ പരുക്കുകളോടെ കോഴിക്കോട് മെഡിക്കല്‍ കോളേജ് ആശുപത്രയില്‍ പ്രവേശിപ്പിച്ചു. ഇന്നു പുലര്‍ച്ചെ നാലരയോടെ ഇവര്‍ സഞ്ചരിച്ച കാര്‍ നിലമ്പൂര്‍ മമ്പാടിനു സമീപം വെച്ച് മരത്തിലിടിച്ചാണ് അപകടം. മൂവരെയും നിലമ്പൂരിലെ ജില്ലാ ആശുപത്രിയിലെത്തിച്ചെങ്കിലും തോമസ് ബാബു മരണപ്പെടുകയായിരുന്നു. നിലമ്പൂര്‍ ഉപ്പടയിലുള്ള സാറാമ്മയുടെ സഹോദരന്റെ മരണവാര്‍ത്തയറിഞ്ഞ് അങ്ങോട്ടുള്ള യാത്രാമധ്യേയാണ് അപകടം. സനീഷ് ആണ് മരണപ്പെട്ട തോമസ് ബാബുവിന്റെ മറ്റൊരു മകന്‍.അഞ്ജു മരുമകളാണ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍