വയനാട് ജില്ലാ സ്കൂള് കലോത്സവത്തിന് നാളെ തുടക്കമാകും.
മാനന്തവാടി: വയനാട് റവന്യൂ ജില്ലാ സ്കൂള് കലോത്സവത്തിന് നാളെ (നവംബര് 19) മാനന്തവാടി ഗവ വൊക്കേഷണല് ഹയര് സെക്കന്ഡറി സ്കൂളില് തുടക്കമാകും. ജില്ലാ കളക്ടര് ഡി.ആര് മേഘശ്രീ ഉദ്ഘാടനം ചെയ്യും. വിവിധ വേദികളിലാല് നാലു ദിവസങ്ങളിലായി നടക്കുന്ന പരിപാടികളില് ജില്ലയിലെ വിവിധ സ്കൂളുകളില് നിന്നുള്ള വിദ്യാര്ത്ഥികള് പങ്കെടുക്കും. ജില്ലാ വിദ്യാഭ്യാസ ഉപഡയറക്ടര് വി.എ ശശീന്ദ്രവ്യാസ് അധ്യക്ഷനാകുന്ന പരിപാടിയില് ഭാരതിയാര് യൂണിവേഴ്സിറ്റി സിന്ഡിക്കേറ്റ് അംഗവും നീലഗിരി കോളേജ് ഓഫ് ആര്ട്സ് ആന്ഡ് സയന്സ് ചെയര്മാനുമായ ഡോ.റാഷിദ് ഗസ്സാലി, സിനിമാ സംവിധായകയും കോസ്റ്റ്യൂം ഡിസൈനറുമായ സ്റ്റെഫി സേവിയര്, നോര്ത്ത് വയനാട് ഡി.എഫ്.ഒ ആര്. സന്തോഷ് കുമാര്, ജില്ലാ വിദ്യാഭ്യാസ ഓഫീസര് സി.വി മന്മോഹന്, ഹയര്സെക്കന്ഡറി മേഖലാ ഡെപ്യൂട്ടി ഡയറക്ടര് ആര് രാജേഷ് കുമാര്, വി.എച്ച്.എസ്.ഇ മേഖല അസിസ്റ്റന്റ് ഡയറക്ടര് വി.ആര് അപര്ണ, ജില്ലാ പഞ്ചായത്ത് സെക്രട്ടറി ബെന്നി ജോസഫ്, ഡയറ്റ് പ്രിന്സിപ്പല് കെ.എം സെബാസ്റ്റ്യന്, എസ്.എസ്.കെ ജില്ലാ പ്രൊജക്ട് കോഓര്ഡിനേറ്റര് അനില്കുമാര്, മാനന്തവാടി എ.ഇ.ഒ എം സുനില്കുമാര്, എ.ഇ.ഒ ടി. ബാബു, സുല്ത്താന് ബത്തേരി എ.ഇ.ഒ ബി.ജെ ഷിജിത, മാനന്തവാടി ജി.വി.എച്ച്.എസ്.എസ് പ്രിന്സിപ്പല് പി. സി തോമസ്, മാനന്തവാടി വി.എച്ച്.എസ്.ഇ പ്രിന്സിപ്പല് കെ.കെ ജിജി, മാനന്തവാടി ജി.വി.എച്ച്.എസ്.എസ് വൈസ് പ്രിന്സിപ്പല് കെ.കെ സുരേഷ് കുമാര് എന്നിവര് പങ്കെടുക്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്