യുവാവ് വെടിയേറ്റ് മരിച്ച സംഭവം: മൂന്ന് പേര്‍ കൂടി അറസ്റ്റില്‍ ; അറസ്റ്റിലായത് നായാട്ട് സംഘത്തിലുണ്ടായിരുന്നവര്‍
തലപ്പുഴ:ആദിവാസി യുവാവ് വെടിയേറ്റ് മരിച്ച സംഭവത്തില്‍ നായാട്ടു സംഘത്തിലുണ്ടായിരുന്ന മൂന്ന് പേരെ കൂടി തലപ്പുഴ എസ് ഐ എസ്.ഐ സി.ആര്‍.അനില്‍കുമാറും സംഘവും അറസ്റ്റ് ചെയ്തു.ഇതോടെ അറസ്റ്റിലായവരുടെ എണ്ണം നലായി. എടത്തന പോരൂര്‍ എടത്തന കോളനിയിലെ ജയന്‍ (38),കാപ്പാട്ടുമല മക്കോല കളപ്പുര കോളനിയിലെ വിജയന്‍ (33),കാപ്പാട്ടുമല മക്കോല കളപ്പുര കോളനിയിലെ ബാലന്‍ എന്നിവരാണ് അറസ്റ്റിലായത്.മുഖ്യ പ്രതിയായ സുമേഷ് (32) ഞായറാഴ്ച അറസ്റ്റിലായിരുന്നു.
കാപ്പാട്ടുമല തലക്കാംകുനി അച്ചപ്പന്റെ മകന്‍ കേളു (38) വിനെയാണ് പേരിയ വള്ളിത്തോട് ദുര്‍ഗാഭഗവതി ക്ഷേത്രത്തിന് സമീപം വനത്തോട് ചേര്‍ന്ന് സ്വകാര്യ വ്യക്തിയുടെ തോട്ടത്തില്‍ വെളളിയാഴ്ച രാവിലെ വെടിയേറ്റ് മരിച്ച നിലയില്‍ കണ്ടെത്തിയത്.മൃഗവേട്ടയ്ക്കിടെ അബദ്ധത്തില്‍ വെടിയേറ്റത്.കൃത്യം മറച്ചുവെച്ചതിനും, തക്ക സമയത്ത് ചികിത്സ ലഭ്യമാക്കാതിരുന്നതിനും ഉള്‍പ്പെടെയുള്ള വകുപ്പുകള്‍ പ്രകാരമാണ് കൂട്ട് പ്രതികള്‍ക്കെതിരെ കേസെടുത്തത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍