സര്‍വജന ഫുട്‌ബോള്‍ അക്കാദമി ഉദ്ഘാടനം ചെയ്തു
ബത്തേരി: ബത്തേരി ഗവണ്‍മെന്റ് സര്‍വജന വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ആരംഭിച്ച ഫുട്‌ബോള്‍ അക്കാദമിയുടെ ഉദ്ഘാടനം മുന്‍ ഇന്ത്യന്‍ ഫുട്‌ബോള്‍ താരവും കേരള പോലീസ് ടീം അംഗവുമായിരുന്ന റിട്ട. ഡി.വൈ.എസ്.പി കെ.ടി. ചാക്കോ നിര്‍വഹിച്ചു. ശാസ്ത്രീയമായ രീതിയില്‍, അംഗീകൃത കോച്ചുമാരുടെ കീഴില്‍ മികച്ച പരിശീലനം നല്‍കി വിദ്യാര്‍ത്ഥികളെ ഫുട്‌ബോള്‍ പ്രതിഭകളാക്കി മാറ്റുകയാണ് അക്കാദമിയുടെ ലക്ഷ്യം. ആണ്‍കുട്ടികള്‍ക്കും പെണ്‍കുട്ടികള്‍ക്കുമായി എല്ലാ ദിവസവും വൈകിട്ട് നാല് മണി മുതലാണ് പരിശീലനം ക്രമീകരിച്ചിരിക്കുന്നത്.
സ്‌കൂളില്‍ നടന്ന ചടങ്ങില്‍ ഹെഡ്മിസ്ട്രസ് ബിജി വര്‍ഗീസ് അധ്യക്ഷത വഹിച്ചു. മുന്‍ ഇന്ത്യന്‍ യൂണിവേഴ്‌സിറ്റി താരവും സന്തോഷ് ട്രോഫി കേരള ടീം സെലക്ടറുമായ പ്രഹ്ലാദന്‍, മുന്‍ ദേശീയ റഫറിയും കേരള ഹെഡ് ഓഫ് റഫറീസുമായ രാമചന്ദ്രന്‍ എന്നിവര്‍ മുഖ്യാതിഥികളായി പങ്കെടുത്ത് സംസാരിച്ചു.
ജില്ലാ ഫുട്‌ബോള്‍ അസോസിയേഷന്‍ സെക്രട്ടറി ബിനു തോമസ്, ജില്ലാ റഫറി അസോസിയേഷന്‍ സെക്രട്ടറി സന്തോഷ്, വി.എച്ച്.എസ്.ഇ പ്രിന്‍സിപ്പല്‍ ദിലിന്‍ സത്യനാഥ്, കായികാധ്യാപകരായ ബിനു, ഏലിയാമ്മ എന്നിവര്‍ ആശംസകള്‍ നേര്‍ന്നു. സീനിയര്‍ അസിസ്റ്റന്റ് സൗദാബി സ്വാഗതവും ക്യാമ്പ് കോര്‍ഡിനേറ്റര്‍ പി. നൗഷാദ് നന്ദിയും പറഞ്ഞു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍