ഓട്ടോ-ടാക്‌സി പണിമുടക്ക് പിന്‍വലിച്ചു; നിരക്ക് വര്‍ധനയ്ക്ക് മന്ത്രിയുടെ തത്വത്തിലുള്ള അംഗീകാരം; ജനുവരി ഒന്നുമുതല്‍ പുതുക്കിയ നിരക്ക് പ്രാബല്യത്തില്‍ വരുത്തുമെന്ന് ഉറപ്പ്
തിരുവനന്തപുരം: സംസ്ഥാനത്ത് ഓട്ടോ-ടാക്‌സി തൊഴിലാളികള്‍ പ്രഖ്യാപിച്ച പണിമുടക്ക് പിന്‍വലിച്ചു. യാത്രാനിരക്ക് വര്‍ധിപ്പിക്കണമെന്ന തൊഴിലാളി സംഘടനകളുടെ ആവശ്യം മന്ത്രി തത്വത്തില്‍ അംഗീകരിച്ചതോടെയാണ് സമരം പിന്‍വലിക്കാന്‍ തീരുമാനമായത്.നിരക്ക് വര്‍ധന സംബന്ധിച്ച വിഷയം വിശദമായി പഠിക്കാന്‍ അഡീഷണല്‍ കമ്മീഷനെ നിയോഗിക്കും. കമ്മീഷന്‍ പഠനം നടത്തി റിപ്പോര്‍ട്ട് സമര്‍പ്പിക്കുന്നതിന്റെ അടിസ്ഥാനത്തില്‍ ജനുവരി ഒന്നുമുതല്‍ പുതുക്കിയ നിരക്ക് പ്രാബല്യത്തില്‍ വരുത്തുമെന്ന് മന്ത്രി സി.പി. ജോണ്‍ ഉറപ്പ് നല്‍കിയതായി തൊഴിലാളി സംഘടനാ പ്രതിനിധികള്‍ അറിയിച്ചു.
കമ്മീഷന്‍ അന്വേഷണം നടത്തുമ്പോള്‍ വിവിധ തൊഴിലാളി യൂണിയനുകള്‍ക്ക് നിരക്ക് വര്‍ധന സംബന്ധിച്ച അഭിപ്രായങ്ങളും നിര്‍ദേശങ്ങളും സമര്‍പ്പിക്കാം. ഓട്ടോ െ്രെഡവര്‍മാര്‍ക്ക് ഇ.എസ്.ഐ ആനുകൂല്യം നല്‍കണമെന്ന ആവശ്യവും പരിഗണിക്കുമെന്ന് മന്ത്രി ഉറപ്പുനല്‍കിയതായും സംഘടനാ പ്രതിനിധികള്‍ കൂട്ടിച്ചേര്‍ത്തു.
മന്ത്രിയുടെ ഉറപ്പിനെ തുടര്‍ന്നാണ് പണിമുടക്ക് പിന്‍വലിക്കാന്‍ തൊഴിലാളി സംഘടനകള്‍ തീരുമാനിച്ചത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍