വീട്ടില്‍ സൂക്ഷിച്ചിരുന്ന നിരോധിത ഹാന്‍സ് ഉല്‍പ്പന്നങ്ങള്‍ പിടികൂടി; ഒരാള്‍ക്കെതിരെ കേസ്
ബത്തേരി: രഹസ്യ വിവരത്തിന്റെ അടിസ്ഥാനത്തില്‍ സുല്‍ത്താന്‍ ബത്തേരി പോലീസ് സബ്ബ് ഇന്‍സ്‌പെക്ടര്‍ എസ്.ഐ രവീന്ദ്രന്‍, സിപിഒ മാരായ സനൂപ്, സീമ എന്നിവരടങ്ങുന്ന പോലീസ് സംഘം കുപ്പാടി ഭാഗത്ത്നടത്തിയ പരിശോധനയില്‍ വീട്ടില്‍ സൂക്ഷിച്ചിരുന്ന നിരോധിത പുകയില ഉല്‍പ്പന്നമായ ഹാന്‍സും, കൂള്‍ ലിപ്പും പിടികൂടി. കുപ്പാടി ഒന്നാം മൈല്‍ അര്‍മ്മാട് ഭാഗത്തെ തയ്യില്‍തൊടിയില്‍ വീട്ടില്‍ റംഷാദ് എന്നയാളുടെ വീട്ടില്‍ നടത്തിയ പരിശോധനയിലാണ് 1500 പാക്കറ്റ് ഹാന്‍സ്, 730 പാക്കറ്റ് കൂള്‍ ലിപ്പ് എന്നിവ കണ്ടെത്തിയത്.ഇന്നലെ രാത്രി നടത്തിയ പരിശോധനയിലാണ് പ്ലാസ്റ്റിക് ചാക്കുകളിലും മറ്റ് പാക്കറ്റുകളിലുമായി സൂക്ഷിച്ച നിരോധിത പുകയില ഉത്പ്പന്നങ്ങള്‍ പിടിച്ചെടുത്തത്.സംഭവത്തില്‍ പോലീസ് കേസ് രജിസ്റ്റര്‍ ചെയ്ത് തുടര്‍ നടപടികള്‍ സ്വീകരിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍