മീനങ്ങാടിയില്‍ കേരളോത്സവം 2026; ക്രിക്കറ്റ് ടൂര്‍ണമെന്റിന് ആവേശകരമായ തുടക്കം
മീനങ്ങാടി: കേരളോത്സവം 2026ന്റെ ഭാഗമായി മീനങ്ങാടി പഞ്ചായത്തുതല ക്രിക്കറ്റ് ടൂര്‍ണമെന്റിന് കാര്യമ്പാടി മിനി സ്‌റ്റേഡിയത്തില്‍ ആവേശകരമായ തുടക്കമായി. ടൂര്‍ണമെന്റിന്റെ ഉദ്ഘാടനം പഞ്ചായത്ത് വൈസ് പ്രസിഡന്റ് പി. കെ. സജീവന്‍ നിര്‍വഹിച്ചു.ചടങ്ങില്‍ ആറാം വാര്‍ഡ് മെമ്പര്‍ എ. തൈത്താല്‍ സ്വാഗതം ആശംസിച്ചു. എട്ടാം വാര്‍ഡ് മെമ്പര്‍ തങ്കച്ചന്‍, രണ്ടാം വാര്‍ഡ് മെമ്പര്‍ സുരേഷ്, പതിനൊന്നാം വാര്‍ഡ് മെമ്പര്‍ മഹേഷ് എന്നിവര്‍ ആശംസകള്‍ നേര്‍ന്നു. അഭി, വിനോദ് എന്നിവരും ചടങ്ങില്‍ പങ്കെടുത്തു.
മീനങ്ങാടി ഗ്രാമപഞ്ചായത്തിലെ വിവിധ വാര്‍ഡുകളെ പ്രതിനിധീകരിച്ച് എട്ട് ടീമുകളാണ് ടൂര്‍ണമെന്റില്‍ പങ്കെടുക്കുന്നത്. കായികരംഗത്ത് യുവാക്കളുടെ പങ്കാളിത്തം പ്രോത്സാഹിപ്പിക്കുന്നതിനും സൗഹൃദവും കൂട്ടായ്മയും വളര്‍ത്തുന്നതിനും കേരളോത്സവം പോലുള്ള കായികമേളകള്‍ വലിയ പങ്കുവഹിക്കുന്നുവെന്ന് ചടങ്ങില്‍ അഭിപ്രായപ്പെട്ടു.കായിക ആവേശവും സൗഹൃദ മത്സരങ്ങളും നിറഞ്ഞ ടൂര്‍ണമെന്റിന് മികച്ച തുടക്കമാണ് കുറിച്ചത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍