റെഡ്‌സ് ജൂനിയര്‍ യൂണിവേഴ്‌സ് ഇന്റര്‍നാഷണലില്‍ അന്‍ഹ കൃഷ്ണയ്ക്ക് നേട്ടം
മാനന്തവാടി: REDZ JUNIOR UNIVERSE INTERNATIONAL 2026 മത്സരത്തില്‍ ഏഷ്യയിലെ ഏറ്റവും വലിയ കിരീടം സ്വന്തമാക്കി വയനാട്ടുകാരിയായ അന്‍ഹ കൃഷ്ണ നാടിന്റെ അഭിമാനമായി. മാനന്തവാടി സ്വദേശിനിയായ ഈ കൊച്ചുമിടുക്കി മത്സരത്തില്‍ മികച്ച പ്രകടനം കാഴ്ചവെച്ചാണ് അഭിമാനകരമായ നേട്ടം കൈവരിച്ചത്.മാനന്തവാടി എം.ജി.എം ഹയര്‍ സെക്കന്‍ഡറി സ്‌കൂളിലെ നാലാം ക്ലാസ് വിദ്യാര്‍ഥിനിയാണ് അന്‍ഹ. മാനന്തവാടിയിലെ അന്‍ഹാസ് ഡിസൈന്‍സ് ഉടമകളായ പ്രസാദ് പ്രബിത ദമ്പതികളുടെ മകളാണ്.പഠനത്തിലും കലാരംഗത്തും ഒരുപോലെ മികവ് തെളിയിച്ചിട്ടുള്ള അന്‍ഹ കലോത്സവ വേദികളിലും ശ്രദ്ധേയമായ നേട്ടങ്ങള്‍ കൈവരിച്ചിട്ടുണ്ട്. കഴിഞ്ഞ ഗണിതശാസ്ത്രമേളയിലും മികച്ച പ്രകടനം കാഴ്ചവെച്ചിരുന്നു. ചെറുപ്രായത്തില്‍ തന്നെ വിവിധ മേഖലകളില്‍ കഴിവ് തെളിയിച്ച അന്‍ഹയുടെ രാജ്യാന്തര നേട്ടം മാനന്തവാടിക്കും വയനാടിനും അഭിമാനമായി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍