വിദ്യാര്‍ത്ഥികള്‍ക്ക് പനി, ഛര്‍ദി: കല്‍പ്പറ്റ സെന്റ് ജോസഫ് സ്‌കൂള്‍ ഒരാഴ്ചത്തേക്ക് അടച്ചിടാന്‍ നിര്‍ദ്ദേശം നല്‍കി
കല്‍പ്പറ്റ: സെന്റ് ജോസഫ് കോണ്‍വെന്റ് സ്‌കൂളിലെ നൂറോളം വിദ്യാര്‍ഥികള്‍ക്ക് പനി, ഛര്‍ദി തുടങ്ങിയ രോഗലക്ഷണങ്ങള്‍ പ്രകടമായതിനെ തുടര്‍ന്ന് ആരോഗ്യവകുപ്പ് അധികൃതര്‍ സ്‌കൂളില്‍ പരിശോധന നടത്തി. രോഗലക്ഷണങ്ങള്‍ കണ്ട കുട്ടികളെ വിവിധ ആശുപത്രികളില്‍ പ്രവേശിപ്പിച്ചിരുന്നു. ആരോഗ്യവകുപ്പ് അധികൃതര്‍ നടത്തിയ പരിശോധനയില്‍ സ്‌കൂളിലെ വാട്ടര്‍ ഫില്‍ട്ടറും വാട്ടര്‍ ടാങ്കും കൃത്യമായ രീതിയില്‍ അറ്റകുറ്റപ്പണികളും ശുചീകരണവും നടത്തിയിട്ടില്ലെന്ന് കണ്ടെത്തി. കൂടുതല്‍ കുട്ടികളിലേക്ക് രോഗം പടരുന്നത് തടയുന്നതിനും കിണറുകള്‍, വാട്ടര്‍ ടാങ്കുകള്‍, ശുചിമുറികള്‍ എന്നിവ ശുചീകരിക്കുന്നതിനുമായി ഒരാഴ്ചത്തേക്ക് സ്‌കൂള്‍ അടച്ചിടാന്‍ ആരോഗ്യവകുപ്പ് നിര്‍ദ്ദേശം നല്‍കി.കല്‍പ്പറ്റ ജനറല്‍ ആശുപത്രി ഹെല്‍ത്ത് ഇന്‍സ്‌പെക്ടര്‍ പി.കെ നവാസ്, ജെഎച്ച് ഐ മാരായ സുധ കെ.വി, സുരേഷ് കുമാര്‍, സെബിന്‍ വര്‍ഗീസ് എന്നിവര്‍ പരിശോധനയില്‍ പങ്കെടുത്തു. ജനറല്‍ ആശുപത്രി ആര്‍.എം.ഒ ഡോ. ശുഭ മെഡിക്കല്‍ പരിശോധനകള്‍ക്ക് നേതൃത്വം നല്‍കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍