നിരപരാധിയെന്ന് തെളിഞ്ഞു; ഒടുവില്‍ ഫിലോമിനക്ക് മോചനം
മാനന്തവാടി: സൗദിയില്‍ പോലീസ് കസ്റ്റഡിയിലായ വയനാട് സ്വദേശിനിയായ ഫിലോമിന യെ മോചിപ്പിച്ചു. കഴിഞ്ഞ ഒക്ടോബര്‍ 10ന് നാട്ടില്‍ നിന്ന് സൗദിയിലേക്ക് മടങ്ങുന്നതിനിടയില്‍ ജിദ്ദ വിമാനത്താവളത്തില്‍ വെച്ചാണ് നിരോധിച്ച മരുന്ന് കൈവശം വെച്ച കേസില്‍ അയ്യന്‍കൊല്ലി സ്വദേശിനി ഫിലോമിന പോലീസ് കസ്റ്റഡിയിലാകുന്നത്. തുടര്‍ന്ന് ഇവരെ ജിദ്ദയിലേക്ക് കൊണ്ടുപോവുകയും തുടര്‍നടപടികള്‍ സ്വീകരിക്കുകയും ചെയ്യുകയായിരുന്നു. റിയാദിലെ കിങ് ഫഹദ് മെഡിക്കല്‍ സിറ്റിയില്‍ നഴ്‌സായി ജോലി ചെയ്യുകയാണ് ഫിലോമിന.ഇവരുടെ പാസ്‌പോര്‍ട്ടും മറ്റ് രേഖകളും ഇനിയും തിരികെ ലഭിച്ചിട്ടില്ല. ശനിയാഴ്ചയായതിനാല്‍ അവധിക്ക് ശേഷം രേഖകള്‍ ഉടന്‍ ലഭ്യമാകുമെന്നാണ് പ്രതീക്ഷിക്കുന്നത്. കോണ്‍സുലേറ്റും മറ്റ് അധികൃതരും ഈ കേസില്‍ നിരന്തരമായ ഇടപെടലുകള്‍ നടത്തിയിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍