മാനന്തവാടിയിലും ഇനി 'സ്കൂട്ടര് ടാക്സി': വേഗത്തിലും കുറഞ്ഞ ചെലവിലും ലക്ഷ്യസ്ഥാനത്തെത്താം !
മാനന്തവാടി: ധാരാളം യാത്രികര്ക്ക് ഉപകാരമായേക്കാവുന്നസ്കൂട്ടര് ടാക്സി സര്വീസിന് മാനന്തവാടിയില് തുടക്കമാകുന്നു.
പ്രദേശവാസിയായ മുസ്തഫ എള്ളില് ആണ് നഗരത്തിലെ യാത്രാപ്രതിസന്ധികള്ക്ക് പരിഹാരമായി ഈ വേറിട്ട സംരംഭത്തിന് തുടക്കം കുറിക്കുന്നത്.വയനാട്ടില് ആദ്യമായിട്ടാണ് ഇത്തരമൊരു സംരംഭമെന്നും
ഒരാള്ക്ക് മാത്രമായി വളരെ കുറഞ്ഞ ചെലവില്, സമയനഷ്ടമില്ലാതെ യാത്ര ചെയ്യാന് ഈ സ്കൂട്ടര് ടാക്സി സര്വീസ് ഏറെ സഹായകരമാകുമെന്നും മുസ്തഫ പറയുന്നുപാര്ക്കിംഗ് അസൗകര്യങ്ങള് കൊണ്ട് വീര്പ്പുമുട്ടുന്ന മാനന്തവാടിനഗരത്തില് ഗതാഗതക്കുരുക്കില്പ്പെടാതെ വേഗത്തില് ലക്ഷ്യസ്ഥാനത്ത് എത്തിച്ചേരാമെന്നതാണ് സ്കൂട്ടര് ടാക്സിയുടെ പ്രധാന ആകര്ഷണം.
സാധാരണക്കാര്ക്കും ഓഫീസ് ജോലിക്കാര്ക്കും ഒരുപോലെ പ്രയോജനപ്പെടുന്ന ഈ പുതിയ തുടക്കത്തിനെ ഏവരും പിന്തുണയ്ക്കണമെന്നും,മോട്ടോര് വാഹന വകുപ്പ് അധികൃതരുമായി സംസാരിച്ച് വാടകയില് കൃത്യത വരുത്തുമെന്നും മുസ്തഫ പറഞ്ഞു.
ഇതര ജില്ലകളിലും അയല് സംസ്ഥാനങ്ങളിലും സ്കൂട്ടര് ടാക്സികള്ക്ക് ഏറെ പ്രചാരം ലഭിച്ച പശ്ചാത്തലത്തില് മാനന്തവാടിയില് തുടക്കമിടുന്ന ഈ സംരംഭവും വിജയിക്കുമെന്നു തന്നെ പ്രതീക്ഷിക്കാം. കൃത്യമായി നിയമ നടപടിക്രമങ്ങള് പാലിച്ച് സ്കൂട്ടര് ടാക്സി തുടങ്ങിയാല് ധാരാളം യുവാക്കള്ക്ക് തൊഴിലവസരങ്ങള് ഉണ്ടാകുമെന്നതും ഒരു വസ്തുതയാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്