വനം വകുപ്പിന്റെ ജനസേവന അദാലത്തിന് ജില്ലയില് തുടക്കമായി.
മാനന്തവാടി: 100 ദിന കര്മ്മപരിപാടിയുമായി വനം വകുപ്പ് സംഘടിപ്പിക്കുന്ന ജനസേവന അദാലത്തിന് വയനാട് ജില്ലയില് തുടക്കമായി.മാനന്തവാടി നഗരസഭ ഹാളില് ഉഷാ വിജയന് എം എല് എ അദാലത്ത് ഉദ്ഘാടനം ചെയ്തു. സാധാരണ ജനങ്ങള് നേരിടുന്ന പ്രശ്നങ്ങള്ക്ക് വേഗത്തില് പരിഹാരം കാണുക എന്ന ലക്ഷ്യത്തോടെയാണ് വനംവകുപ്പ് അദാലത്തുകള് സംഘടിപ്പിക്കുന്നത്.വനഭൂമിയുമായി ബന്ധപ്പെട്ട അപേക്ഷകള്, എന്.ഒ.സി അനുവദിക്കല്, വനഭൂമിയിലെ കെട്ടിടങ്ങള്ക്ക് നമ്പര് ലഭിക്കുന്നതിനുള്ള നടപടികള്, മറ്റ് വനവകുപ്പുമായി ബന്ധപ്പെട്ട പൊതുജന പരാതികള് എന്നിവയ്ക്ക് പരിഹാരം കണ്ടെത്തുകയാണ് അദാലത്തിന്റെ പ്രധാന ലക്ഷ്യം.ഗ്രാമപഞ്ചായത്ത് തലത്തില് വിവിധ മേഖലകളില് നിന്നുള്ള ജനപ്രതിനിധികളും വനം വകുപ്പ് ഉദ്യോഗസ്ഥരും പങ്കെടുക്കുന്ന അദാലത്തില് പൊതുജനങ്ങള്ക്ക് തങ്ങളുടെ പരാതികളും അപേക്ഷകളും നേരിട്ട് അവതരിപ്പിക്കാനും പരിഹാരം തേടാനുമാണ് അവസരമൊരുക്കിയിരിക്കുന്നത്.
നോര്ത്ത് വയനാട് വനം ഡിവിഷന്റെ
നേതൃത്വത്തില് സംഘടിപ്പിച്ച ചടങ്ങില് നഗരസഭ ചെയര്പേഴ്സന് ജേക്കബ് സെബാസ്റ്റ്യന് അധ്യക്ഷത വഹിച്ചു, ഡി എഫ് ഒ ആര് സന്തോഷ് കുമാര് മുഖ്യ പ്രഭാഷണം നടത്തി. ബ്ളോക്ക് പ്രസി: മീനാക്ഷി രാമന്, ഡെപ്യുട്ടി ചെയര്പേഴ്സന് അഡ്വ. സിന്തു സെബാസ്റ്റ്യന്, ഗ്രാമ പഞ്ചായത്ത് പ്രസിഡണ്ടുമാരായ എം ജി ബി ജു, അഞ്ജു ബാലന്, വിജിലന്സ് ഡി എഫ് ഒ എ ഷജ്ന, കെ രഞ്ജിത്ത് കുമാര്, ഡി ഹരിലാല് .പി പി സുരജ്, എന്നിവര് സംസാരിച്ചു, സ്റ്റാന്ഡിംഗ് കമ്മിറ്റി അധ്യക്ഷന്മാര്, കൗണ്സിലര്മാര് ,രാഷ്ട്രിയ പാര്ട്ടി പ്രതിനിധികള് എന്നിവര് സംബന്ധിച്ചു
30 പരാതികള് അദാലത്തിന്റെ പരിഗണനക്കായി എത്തി.ഈ മാസം 13ന് സൗത്ത് വയനാട് ഡിവിഷനിലും, 18 ന് വൈല്ഡ് ലൈഫ് ഡിവിഷനിലും അദാലത്തുകള് നടത്തും
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്