കള്ളാടി മണ്ണിടിച്ചില്; ഒരു മൃതദേഹം കൂടി കണ്ടെടുത്തു; മരിച്ചവരുടെ എണ്ണം നാലായി
കള്ളാടി: മണ്ണിടിച്ചിലില് വന് നാശം വിതച്ച വയനാട് കള്ളാടി ദുരന്തഭൂമിയില് നിന്നും വീണ്ടും ഒരു മൃതദേഹം കൂടി കണ്ടെടുത്തു. മീനാക്ഷി പാലത്തിന് സമീപം സോണ് വണ്ണില് പുഴയോട് ചേര്ന്ന് തകര്ന്നടിഞ്ഞ അവശിഷ്ടങ്ങള്ക്കിടയില് ജെ.സി.ബി ഉപയോഗിച്ച് മണ്ണുമാറ്റുന്നതിനിടയിലാണ് അഗ്നിരക്ഷാ സേനയും മറ്റ് രക്ഷാപ്രവര്ത്തകരും ചേര്ന്ന് മൃതദേഹം കണ്ടെത്തിയത്.ബീഹാര് സ്വദേശിയും എസ്കവേറ്റര് ഓപ്പറേറ്ററുമായ മുഹമ്മദ് ഇംറാന്റെ മൃതദേഹമാണ് കണ്ടെത്തിയത്. മുഖം വ്യക്തമായതിനാല് ഡിഎന്എ പരിശോധനയില്ലാതെ തന്നെ ബന്ധപ്പെട്ടവര് മൃതദേഹം തിരിച്ചറിയുകയായിരുന്നു.
?കഴിഞ്ഞ ദിവസങ്ങളില് ഇവിടെ വ്യാപകമായ തിരച്ചില് നടത്തിയിരുന്നെങ്കിലും ടണ് കണക്കിന് മണ്ണും പാറക്കല്ലുകളും അടിഞ്ഞുകൂടിയതിനാല് തിരച്ചില് ദുഷ്കരമായിരുന്നു. കഡാവര് നായ്ക്കള് ഈ പ്രദേശത്ത് മൃതദേഹമുള്ള സൂചന നല്കിയിരുന്നു. ഇതിന്റെ അടിസ്ഥാനത്തില് ഇന്ന് രാവിലെ മുതല് ഈ ഭാഗം കേന്ദ്രീകരിച്ച് നടത്തിയ ശക്തമായ തിരച്ചിലിനൊടുവിലാണ് മൃതദേഹം പുറത്തെടുക്കാനായത്. മൃതദേഹം പോസ്റ്റ്മോര്ട്ടത്തിനായി വൈത്തിരി താലൂക്ക് ആശുപത്രിയിലേക്ക് മാറ്റി
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്