താമരശ്ശേരി ചുരത്തില് കാറിന് മുകളിലേക്ക് മരം ഒടിഞ്ഞുവീണു; യാത്രികര്ക്ക് നിസാര പരിക്ക്
താമരശ്ശേരി ചുരം:താമരശ്ശേരി ചുരത്തില് ഓടിക്കൊണ്ടിരുന്ന വാഹനത്തിന് മുകളിലേക്ക് മരം ഒടിഞ്ഞുവീണ് അപകടം. ആറ് ഏഴ് വളവുകള്ക്കിടയില് വെച്ച് രാവിലെ ഏഴ് മണിയോടെയായിരുന്നു സംഭവം.മീനങ്ങാടിയില് നിന്നും കോഴിക്കോടേക്ക് പോകുകയായിരുന്ന കാറാണ് അപകടത്തില്പ്പെട്ടത്.
അപകടത്തില് തകര്ന്ന വാഹനത്തിലുണ്ടായിരുന്ന യാത്രക്കാരെ ഉടന് തന്നെ സമീപത്തുള്ള ആശുപത്രിയിലേക്ക് മാറ്റിയിട്ടുണ്ട്. അപകടത്തെ തുടര്ന്ന് ചുരത്തില് ഗതാഗതം തടസ്സപ്പെട്ടെങ്കിലും പിന്നീട് പുനഃസ്ഥാപിച്ചു.കഴിഞ്ഞ കുറച്ചു ദിവസങ്ങളായി ചുരത്തില് പെയ്യുന്ന കനത്ത മഴ ഇപ്പോഴും തുടരുകയാണ്. ഇന്നലെ അര്ദ്ധരാത്രിയിലും ചുരത്തില് അതീവ രൂക്ഷമായ ഗതാഗതക്കുരുക്ക് അനുഭവപ്പെട്ടിരുന്നു. ഇതിന് പിന്നാലെയാണ് ഇപ്പോള് മരം വീണുള്ള അപകടവും ഉണ്ടായിരിക്കുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്