സ്ഥിരം കുറ്റവാളിക്കെതിരെ കാപ്പ ചുമത്തി സെന്ട്രല് ജയിലിലടച്ചു.
കല്പ്പറ്റ: സ്ഥിരം കുറ്റവാളിക്കെതിരെ കാപ്പ ചുമത്തി സെന്ട്രല് ജയിലിലടച്ചു. കല്പ്പറ്റ, മുണ്ടേരി, താന്നിക്കല് വീട്ടില് വേണുഗോപാല് (35) നെയാണ് സെന്ട്രല് ജയിലിലേക്ക് മാറ്റിയത്. ജൂലൈ മാസത്തില് അമ്പലവയല് സ്റ്റേഷന് പരിധിയില് 124.39 ഗ്രാം എം.ഡി.എം.എ പിടികൂടിയ സംഭവത്തില് ഇയാള് ജില്ലാ ജയിലില് റിമാന്ഡില് കഴിഞ്ഞു വരികയായിരുന്നു. ലഹരികേസില് ജയിലില് നിന്നിറങ്ങിയ ശേഷം വീണ്ടും ലഹരികടത്തുകയായിരുന്നു. ഇയാള് സ്ഥിരം ലഹരി വില്പ്പനക്കാരനുമാണ്. ഇത്തരത്തില് സ്ഥിരം കുറ്റവാളിയായ ഇയാള്ക്കെതിരെ ജില്ലാ പോലീസ് മേധാവി സമര്പ്പിച്ച റിപ്പോര്ട്ടിന്റെ അടിസ്ഥാനത്തില് ജില്ലാ കളക്ടര് ഉത്തരവ് പുറപ്പെടുവിക്കുകയായിരുന്നു. കാപ്പ നിയമ പ്രകാരം 6 മാസത്തെ കരുതല് തടവിനാണ് ഉത്തരവ്.
കല്പ്പറ്റ സ്റ്റേഷനില് ഇയാള്ക്കെതിരെ 4 ലഹരിക്കേസുകളും കൂടാതെ പോലീസിന്റെ ഔദ്യോഗിക കൃത്യ നിര്വഹണം തടസ്സപ്പെടുത്തിയതിനും കേസുണ്ട്.
ജില്ലയിലെ എല്ലാ പോലിസ് സ്റ്റേഷന് പരിധിയിലെയും ഗുണ്ടകളെയും സാമൂഹിക വിരുദ്ധരെയും തരം തിരിച്ച് കൂടുതല് പേര്ക്കെതിരെ കാപ്പ അടക്കമുള്ള കര്ശനമായ നിയമ നടപടികള് പോലീസ് സ്വീകരിച്ചു വരികയാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്