താമരശ്ശേരി ചുരം എട്ടാം വളവില് റോഡിന് വിള്ളല്; യാത്രക്കാര് ജാഗ്രത പാലിക്കണം
താമരശ്ശേരി: താമരശ്ശേരി ചുരം എട്ടാം വളവില് റോഡിന്റെ ഒരു വശത്ത് ചെറിയ വിള്ളല് രൂപപ്പെട്ടതിനെ തുടര്ന്ന് ഈ വഴി കടന്നുപോകുന്ന യാത്രക്കാര്ക്ക് ജാഗ്രതാ നിര്ദ്ദേശം. റോഡിന്റെ വശങ്ങളിലെ കല്ലുകെട്ടുകള് പ്രധാന പാതയില് നിന്ന് അല്പ്പം വേര്പെട്ട നിലയിലാണ് ഇപ്പോള് ഉള്ളത്. നിലവില് മഴ പെയ്യുന്ന സാഹചര്യമായതിനാല് ഈ ഭാഗത്ത് മണ്ണ് ഇനിയും ഒലിച്ചുപോകാന് സാധ്യതയുണ്ട്. അതിനാല് ഈ വഴി കടന്നുപോകുന്നവര് നിലവിലെ സാഹചര്യം മനസ്സിലാക്കി കൃത്യമായ മുന്കരുതലുകള് എടുക്കേണ്ടതാണ്.
ചുരത്തിലൂടെ രാത്രികാലങ്ങളിലും മറ്റും സര്വീസ് നടത്തുന്ന വലിയ മള്ട്ടി ആക്സില് വാഹനങ്ങളുടെ െ്രെഡവര്മാര് ഈ ഭാഗത്ത് പ്രത്യേകം ജാഗ്രത പുലര്ത്തേണ്ടതുണ്ട്. ഭാരമേറിയ ഇത്തരം വാഹനങ്ങള് പോകുമ്പോള് വശങ്ങളിലേക്ക് അമിതമായി ചേര്ക്കാതിരിക്കാന് െ്രെഡവര്മാര് പ്രത്യേകം ശ്രദ്ധിക്കണം. രാത്രിയാത്രകളില് കാഴ്ച്ച പരിമിതമാകാന് സാധ്യതയുള്ളതിനാല് ചുരം വഴി കയറുകയും ഇറങ്ങുകയും ചെയ്യുന്ന എല്ലാ വാഹനങ്ങളും ഈ ഭാഗത്ത് വേഗത കുറച്ച്, അതീവ ശ്രദ്ധയോടെ മാത്രം കടന്നുപോകേണ്ടതാണ്
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്