കൊടുംചൂടില് ആശ്വാസമായി മഴ വരുന്നു; മറ്റന്നാള് മുതല് മഴ പെയ്യും, കേരളത്തില് 4 ജില്ലകളില് യെല്ലോ അലേര്ട്ട്
തിരുവനന്തപുരം: കൊടും ചൂടില് ആശ്വാസമായി മഴ വരുന്നു. ഈ മാസം 29ന് മഴ മുന്നറിയിപ്പ് നല്കി കേന്ദ്ര കാലാവസ്ഥ വകുപ്പ്. ഈ സീസണിലെ മെച്ചപ്പെട്ട മഴ ദിവസങ്ങള് വരുന്നുവെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നത്. മറ്റന്നാള് മുതല് മഴ പ്രതീക്ഷിക്കാമെന്നും കാലാവസ്ഥ നിരീക്ഷണം കേന്ദ്രം വ്യക്തമാക്കി.
നാല് ജില്ലകളില് ബുധനാഴ്ച യെല്ലോ അലേര്ട്ട് പ്രഖ്യാപിച്ചു. പത്തനംതിട്ട, ഇടുക്കി, കാസര്ഗോഡ്, കണ്ണൂര് ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. ഇത്തവണ ശക്തമായി തന്നെ വേനല്മഴ പ്രതീക്ഷിക്കാം. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
അതേസമയം സംസ്ഥാനത്ത് ഇന്നും താപനില മുന്നറിയിപ്പ് നല്കിയിരിക്കുകയാണ് കാലാവസ്ഥ നിരീക്ഷണ കേന്ദ്രം. കേരളത്തില് ഇന്ന് (25/04/2026) & 26/04/2026 വരെ ഉയര്ന്ന താപനില മുന്നറിയിപ്പ് നല്കിയിട്ടുണ്ട്. പാലക്കാട് ജില്ലയിലാണ് ഉയര്ന്ന താപനില മുന്നറിയിപ്പുള്ളത്. പാലക്കാട് ജില്ലയില് 40 ഡിഗ്രി സെല്ഷ്യസും കൊല്ലം ജില്ലയില് 39 ഡിഗ്രി സെല്ഷ്യസുമാണ്.
പത്തനംതിട്ട, തൃശൂര്, കോഴിക്കോട്, കാസര്ഗോഡ് ജില്ലകളില് 38 ഡിഗ്രി സെല്ഷ്യസ് വരെയുമാണ്. കോട്ടയം, എറണാകുളം, മലപ്പുറം, കണ്ണൂര് ജില്ലകളില് 37 ഡിഗ്രി സെല്ഷ്യസുമാണ്. തിരുവനന്തപുരം, ആലപ്പുഴ ജില്ലകളില് 36 ഡിഗ്രി സെല്ഷ്യസ് വരെയും ഉയരുമെന്ന് കാലാവസ്ഥ വകുപ്പ് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്