നിരവധി ക്രിമിനല് കേസുകളിലുള്പ്പെട്ട കൊടുംകുറ്റവാളിയെ കാപ്പ ചുമത്തി ജയിലിലടച്ചു.
നൂല്പ്പുഴ: നിരവധി ക്രിമിനല് കേസുകളിലുള്പ്പെട്ട കൊടുംകുറ്റവാളിയെ കാപ്പ ചുമത്തി ജയിലിലടച്ചു. നെന്മേനി പുത്തന്കുന്ന്, പാലപ്പട്ടി വീട്ടില് സഞ്ചു എന്ന പി.എന്. സംജാദ്(32)നെയാണ് കാപ്പ ചുമത്തി ജയിലിലടച്ചത്. ഇയാള്ക്കെതിരെ 4 ഓളം വധശ്രമക്കേസുകള്, അക്രമിച്ചു പരിക്കേല്പ്പിക്കല്, ആംസ് ആക്ട്, ഐ. ടി ആക്ട്, എന്നിങ്ങനെ ബത്തേരി, അമ്പലവയല് പോലീസ് സ്റ്റേഷനുകളിലായി നിരവധി ക്രിമിനല് കേസുകളും കൂടാതെ കുപ്പാടി, തൊട്ടാമൂല ഫോറെസ്റ്റ് സ്റ്റേഷനുകളിലുമായി 14 ഓളം കേസുകളാണുള്ളത്. ബത്തേരിയില് യുവാവിനെ കത്തികൊണ്ട് വെട്ടിയും കമ്പിവടി കൊണ്ടടിച്ചും കൊലപ്പെടുത്താന് ശ്രമിച്ച കേസില് റിമാന്ഡില് കഴിഞ്ഞ് പുറത്തിറങ്ങി വീണ്ടും കുറ്റകൃത്യങ്ങളില് ഏര്പ്പെട്ടു വരികയായിരുന്നു. സ്ഥിരം കുറ്റവാളിയായ ഇയാള്ക്കെതിരെ ജില്ലാ പോലീസ് മേധാവി സമര്പ്പിച്ച റിപ്പോര്ട്ടിന്റെ അടിസ്ഥാനത്തില് ജില്ലാ കളക്ടര് ഉത്തരവ് പുറപ്പെടുവിക്കുകയായിരുന്നു. കാപ്പ നിയമ പ്രകാരം ഒരു വര്ഷത്തെ കരുതല് തടവിനാണ് ഉത്തരവ്. ജില്ലയിലെ എല്ലാ പോലിസ് സ്റ്റേഷന് പരിധിയിലെയും ഗുണ്ടകളെയും സാമൂഹിക വിരുദ്ധരെയും തരം തിരിച്ച് കൂടുതല് പേര്ക്കെതിരെ കാപ്പ ചുമത്താനുള്ള ശക്തമായ നടപടികള് പോലീസ് സ്വീകരിച്ചു വരികയാണ്. ടമഷമ്യമി
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്