പ്രശസ്ത ഫോട്ടോ ജേര്ണലിസ്റ്റ് എന്.പി ജയനെ മരിച്ച നിലയില് കണ്ടെത്തി
ബത്തേരി: പ്രശസ്ത ഫോട്ടോ ജേര്ണലിസ്റ്റ് നെന്മേനിക്കുന്ന് നിരവത്ത് പരേതരായ പ്രഭാകരന് പങ്കജാക്ഷി ദമ്പതികളുടെ മകന് എന്.പി ജയന് (57) നെ വീടിനുള്ളില് തൂങ്ങിമരിച്ച നിലയില് കണ്ടെത്തി. ഇന്ന് വൈകിട്ടാണ് സംഭവം. മാധ്യമം, ഇന്ത്യന് എക്സ്പ്രസ് പത്രങ്ങളില് ദീര്ഘകാലം ഫോട്ടോഗ്രാഫറായിരുന്നു. വയനാട്ടില് നൂല്പ്പുഴക്കടുത്ത ഞണ്ടന്കൊല്ലിയില് വര്ഷങ്ങള്ക്ക് മുമ്പുണ്ടായ ആദിവാസി കോളനിയിലെ പട്ടിണി മരണത്തില് എന്.പി.ജയനെടുത്ത ചിത്രങ്ങള് പ്രത്യേകം ശ്രദ്ധിക്കപ്പെട്ടിരുന്നു. സുല്ത്താന് ബത്തേരി ചുങ്കത്ത് വിബ്ജിയോര് എന്ന പേരില് സ്റ്റുഡിയോ നടത്തിയിരുന്നു. ഇന്ത്യന് എക്സ്പ്രസില് നിന്ന് രാജിവെച്ച് ബംഗളൂരുവില് ഫോട്ടോഗ്രാഫറായി ജോലി ചെയ്യുകയായിരുന്നു. ഫോട്ടോഗ്രാഫിയില് പരിശീലനവും നല്കി വന്നിരുന്നു. ഡെല്ഹി, ബംഗളൂരു ഉള്പ്പെടെ നിരവധി സ്ഥലങ്ങളില് ഫോട്ടോ എക്സിബിഷന് നടത്തുകയുണ്ടായി. സഹോദരന് വിജയന്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്