സംരംഭങ്ങളുടെ സുസ്ഥിരത ഉറപ്പാക്കണം: മന്ത്രി ഒ.ആര്‍ കേളു
കല്‍പ്പറ്റ: സംരംഭങ്ങള്‍ആരംഭിക്കുന്നതിനോടൊപ്പം സംരംഭങ്ങളുടെ സുസ്ഥിരത ഉറപ്പാക്കണമെന്ന് പട്ടികജാതിപട്ടികവര്‍ഗ്ഗപിന്നാക്കക്ഷേമ വകുപ്പ് മന്ത്രി ഒ ആര്‍ കേളു. ജില്ലയില്‍ കഴിഞ്ഞ മൂന്നുവര്‍ഷത്തില്‍ 8000 ത്തിലധികം സംരംഭങ്ങളും തൊഴിലവസരങ്ങളുമാണ് ഉണ്ടായത്. പദ്ധതികള്‍ കൃത്യമായി തയ്യാറാക്കിയാല്‍ മൂലധനം നല്‍കാന്‍ എല്ലാ ബാങ്കുകളും തയ്യാറാണെന്നും സംസ്ഥാന സര്‍ക്കാറിന്റെ പൂര്‍ണ്ണ പിന്തുണ സംരംഭകര്‍ക്കൊപ്പമുണ്ടെന്നും മന്ത്രി പറഞ്ഞു. കേന്ദ്ര സൂക്ഷ്മ ചെറുകിട ഇടത്തരം വ്യവസായ മന്ത്രാലയത്തിന്റെയും സംസ്ഥാന വ്യവസായ വാണിജ്യ വകുപ്പിന്റെയും ആഭിമുഖ്യത്തില്‍ നടത്തുന്ന ലോകബാങ്ക് പദ്ധതിയായ റൈസിംഗ് ആന്റ് ആക്‌സലറേറ്റിംഗ് എംഎസ്എംഇ പെര്‍ഫോര്‍മന്‍സ് (ആര്‍എഎംപി)പദ്ധതിയുടെ ഭാഗമായി ജില്ലാ വ്യവസായ കേന്ദ്രത്തിന്റെ നേതൃത്വത്തില്‍ കല്‍പ്പറ്റ ഗ്രീന്‍ ഗേറ്റ്‌സ്് ഹോട്ടലില്‍ സംഘടിപ്പിച്ച ടെക്‌നോളജിക്ലിനിക്ക് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
ജില്ലാ വ്യവസായ കേന്ദ്രം ജനറല്‍ മാനേജര്‍ ആര്‍ രമ അധ്യക്ഷയായ പരിപാടിയില്‍ എം എസ് എം ഇ സംരംഭകര്‍ക്കായി വാല്യൂ അഡീഷന്‍ ഓഫ് ഫ്രൂട്ട്‌സ് ആന്‍ഡ് വെജിറ്റബിള്‍സ്, സ്‌പൈസസ് പ്രോസസിങ്, പാക്കേജിങ് തുടങ്ങിയ വിഷയങ്ങളില്‍ ക്ലാസുകള്‍ നല്‍കി. ജില്ലാ വ്യവസായ കേന്ദ്രം മാനേജര്‍ ബി ഗോപകുമാര്‍, അസിസ്റ്റന്റ് ഡയറക്ടര്‍ അഖില സി ഉദയന്‍, ലീഡ് ബാങ്ക് ജില്ലാ മാനേജര്‍ ടി എം മുരളീധരന്‍, ഉപജില്ല വ്യവസായ ഓഫീസര്‍ ആര്‍ അതുല്‍, കെ എസ് എസ് ഐ എ പ്രസിഡന്റ് പി ഡി സുരേഷ് കുമാര്‍ എന്നിവര്‍ സംസാരിച്ചു.
ജില്ല വ്യവസായ രംഗത്ത് മുന്നേറുന്നു;
മാര്‍ജിന്‍ മണി ഗ്രാന്‍ഡ് പദ്ധതിയില്‍ വയനാട് ഒന്നാമത്
വ്യവസായ വാണിജ്യ രംഗത്ത് ജില്ല മികച്ച രീതിയില്‍ മുന്നേറുകയാണ്. 202425 വര്‍ഷത്തെ മാര്‍ജിന്‍ മണി ഗ്രാന്‍ഡ് പദ്ധതിയില്‍ സംസ്ഥാന തലത്തില്‍ ജില്ല ഒന്നാം സ്ഥാനം കരസ്ഥമാക്കി. പിഎംഎഫ്എംഇ പദ്ധതിയില്‍ ലക്ഷ്യം പൂര്‍ത്തികരിക്കുകയും സംസ്ഥാന തലത്തില്‍ ഒന്നാം സ്ഥാനം നേടുകയും ചെയ്തു. ഇയര്‍ ഓഫ് എന്റെര്‍െ്രെപസെസ് 1.0 യിലും 2.0 യിലും ജില്ല ഒന്നാം സ്ഥാനം നേടി. വ്യവസായിക നിക്ഷേപം പ്രോത്സാഹിപ്പിക്കുന്നതിനും വ്യാവസായിക പ്രവര്‍ത്തനങ്ങള്‍ സുഗമമാക്കുന്നതിനും നിയമഭേദഗതികള്‍, അടിസ്ഥാന സൗകര്യ വികസനങ്ങള്‍, സമയബന്ധിതവും ലളിതവും സുതാര്യവുമായ ലൈസന്‍സ് ലഭ്യമാക്കല്‍, മികച്ച സാമ്പത്തിക ആനുകൂല്യ പദ്ധതികള്‍ തുടങ്ങിയ പരിഷ്‌കരണ പ്രവര്‍ത്തനങ്ങളുമായി വ്യവസായം വാണിജ്യ വകുപ്പ് മുന്നോട്ടു പോവുകയാണ്. 202425 സാമ്പത്തിക വര്‍ഷത്തില്‍ ജില്ലയില്‍ 2653 സംരംഭങ്ങള്‍ ആരംഭിച്ച് 1881 തൊഴിലവസരങ്ങള്‍ സൃഷ്ടിക്കുകയും 5668 ലക്ഷം രൂപയുടെ നിക്ഷേപം ആകര്‍ഷിക്കുകയും ചെയ്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍