മൂന്നു ലക്ഷത്തോളം വിലയുള്ള കാപ്പി മോഷ്ടിച്ച യുവാക്കള് പിടിയില്
കമ്പളക്കാട്: കാക്കവയല് തേനേരി ബാലുശ്ശേരി വീട്ടില് മുഹമ്മദ് ഷാനിഫ് (22), കണിയാമ്പറ്റ വെല്ലൂര്കാവില് വീട്ടില് അന്സിഫ് മുഹമ്മദ് (23) എന്നിവരെയാണ് കമ്പളക്കാട് സ്റ്റേഷന് സബ് ഇന്സ്പെക്ടര് വി.ഷറഫുദ്ധീന്റെ നേതൃത്വത്തില് പിടികൂടിയത്. കമ്പളക്കാട് ചേക്ക് മുക്കില് താമസിക്കുന്ന പരാതിക്കാരന്റെ വീടിന്റെ പോര്ച്ചിലും മില്ലിലും സൂക്ഷിച്ച കാപ്പി ഇവര് മോഷ്ടിക്കുകയും മോഷ്ടിച്ച കാപ്പി മാന്തവാടിയില് മറിച്ചു വില്ക്കുകയുമായിരുന്നു. ഇരുവരും മുന്പും മോഷണം എന്.ഡി.പി.എസ് കേസുകളില് പ്രതികളാണ്. എ.എസ്.ഐ മാരായ വിജയന്, ആനന്ദന്, സീനിയര് സിവില് പോലീസ് ഓഫീസര്മാരായ റോബര്ട്ട് ജോണ്, ജ്യോതിരാജ്, സിവില് പോലീസ് ഓഫീസര് സിറാജ്ജുദ്ധീന് എന്നിവരും പോലീസ് സംഘത്തിലുണ്ടായിരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്