അമ്പിളിയുടെ കുടുംബത്തിന് സഹായധനം നല്‍കി
പുല്‍പ്പള്ളി:വീട് ലഭിക്കാത്തതില്‍ മനംനൊന്ത് ആത്മഹത്യ ചെയ്ത മാടപ്പള്ളിക്കുന്ന് അമ്പിളിയുടെ കുടുംബത്തിന് വ്യാപാരി വ്യവസായി കോ ഓപ്പറേറ്റീവ് ബാങ്ക് ഡയറക്ടര്‍മാരും ബാങ്ക് ജീവനക്കാരും ചേര്‍ന്ന് ധനസഹായം നല്‍കി.ഷീറ്റിട്ട ഷെഡില്‍ കഴിയുന്ന വിജയകുമാറിന്റെ കുടുംബത്തിന് വീട് നിര്‍മ്മിക്കുന്നതിന്റെ ഭാഗമായാണ് സഹായം നല്‍കിയത്. സഹായ ധനം വിജയകുമാറിന്റെ വീട്ടിലെത്തി ഭവന നിര്‍മ്മാണ കമ്മിറ്റി ഭാരവാഹികള്‍ക്ക് ബാങ്ക് പ്രസിഡണ്ട് ഇ.ടി ബാബു കൈമാറി. പി ആര്‍ വിജയന്‍ ,സി പി ജോയിക്കുട്ടി, എന്‍ യു ബാബു, ബുഷ്‌റ മുഹമ്മദ്, എം യു തോമസ് എന്നിവര്‍ നേതൃത്വം നല്‍കി.
