ആടുകളെ ചെന്നായക്കൂട്ടം ആക്രമിച്ചുകൊന്നു.
തിരുനെല്ലി: തിരുനെല്ലി ഫോറസ്റ്റ് സ്‌റ്റേഷന്‍ പരിധിയിലെ കുന്നിയൂരില്‍ മേയാന്‍ കൊണ്ടുപോയ 4 ആടുകളെ ചെന്നായക്കൂട്ടം ആക്രമിച്ചുകൊന്നു. കുന്നിയൂര്‍ ചന്ദ്രന്‍ എന്നയാളുടെ ആടുകളെയാണ് ചെന്നായക്കൂട്ടം കൊന്നത്. 4 വയസ്സ് പ്രായമുള്ള രണ്ട് പെണ്‍ ആടുകളും, 1 വയസ്സ് പ്രായമുള്ള ആണ്‍ ആടും, 6 മാസം പ്രായമുള്ള ആണ്‍ ആടുമാണ് കൊല്ലപ്പെട്ടത്.ഒരാടിനെ ചെന്നായക്കൂട്ടം പൂര്‍ണ്ണമായും ഭക്ഷിച്ചു.വനപാലകരുടെ സാന്നിധ്യത്തില്‍ വെറ്ററിനറി ഡോക്ടര്‍ ആടുകളെ പോസ്റ്റ്‌മോര്‍ട്ടം ചെയ്തു. ഇതിന്റെ റിപ്പോര്‍ട്ടിന്റെ അടിസ്ഥാനത്തില്‍ നഷ്ടപരിഹാരം അനുവദിച്ചുകൊടുക്കുമെന്ന് വനംവകുപ്പ് അധികൃതര്‍ അറയിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍