മധ്യവയസ്‌കനെ പൊള്ളലേറ്റ് മരിച്ച നിലയില്‍ കണ്ടെത്തി; ആത്മഹത്യയെന്ന് നിഗമനം
മാനന്തവാടി: മാനന്തവാടി പായോടിന് സമീപം മധ്യവയസ്‌കനെ വീടിനുള്ളില്‍ പൊള്ളലേറ്റ് മരിച്ച നിലയില്‍ കണ്ടെത്തി.വരിക്കമാക്കില്‍ റോജന്‍ (51) ആണ് മരിച്ചത്. മുമ്പ് പായോടില്‍ ചുമട്ടുതൊഴിലാളിയായിരുന്ന റോജന്‍ നിലവില്‍ തനിച്ചായിരുന്നു താമസം. ദിവസങ്ങള്‍ക്ക് മുന്‍പ് പാന്‍ക്രിയാസ് അസുഖത്തെ തുടര്‍ന്ന് ചികിത്സ നടത്തിയിരുന്നു. അതിന് ശേഷം ഇദ്ധേഹം മാനസിക അസ്വാസ്ഥ്യം പ്രകടിപ്പിക്കുകയും ഭാര്യയേയും മക്കളേയും ഒഴിവാക്കി തനിച്ച് താമസിച്ച് വരികയുമായിരുന്നു. മാനസിക വിഭ്രാന്തി മൂലം ഇടയ്ക്ക് അക്രമണ സ്വഭാവം പ്രകടിപ്പിച്ചിരുന്നതിനാല്‍ ചികിത്സ സൗകര്യം ഒരുക്കാനായി തയ്യാറെടുത്ത് വരികയായിരുന്നെന്ന് പ്രദേശവാസികള്‍ പറഞ്ഞു. ഇന്ന് രാവിലെയാണ് മരണകാര്യം പുറത്തറിയുന്നത്. മാനന്തവാടി പോലീസ് സ്ഥലത്തെത്തി തുടര്‍ നടപടികള്‍ സ്വീകരിച്ച് വരികയാണ്. ഭാര്യ സീന ദ്വാരക പാസ്റ്ററല്‍ സെന്ററിലാണ് ജോലി ചെയ്ത് വരുന്നത്. അഭിന്‍, ആന്‍മരിയ എന്നിവര്‍ മക്കളാണ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍