കര്‍ണ്ണാടക മദ്യം പിടികൂടി;ഒരാള്‍ അറസ്റ്റില്‍
മുത്തങ്ങ: മുത്തങ്ങ എക്‌സൈസ് ചെക്ക് പോസ്റ്റില്‍ വാഹനപരിശോധനക്കിടെ മൈസൂരില്‍ നിന്നും കോഴിക്കോടേക്ക് പച്ചക്കറി കയറ്റിവന്ന പിക്കപ്പ് വാഹനത്തില്‍ കടത്തിക്കൊണ്ടുവന്ന 40 ലിറ്റര്‍ കര്‍ണാടക മദ്യം പിടിച്ചെടുത്തു. മദ്യം കടത്തിയ വാഹനത്തിന്റെ ഉടമയും ഡ്രൈവറുമായ കോഴിക്കോട് നെല്ലിയോട് വീട്ടില്‍ ജിനീഷ്(42) നെ അറസ്റ്റ് ചെയ്ത് കേസ്‌രജിസ്റ്റര്‍ ചെയ്തു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു. നിലവില്‍ കേരളത്തില്‍ മദ്യം ലഭിക്കാത്ത സാഹചര്യമുള്ളതിനാല്‍ കര്‍ണ്ണാടകത്തില്‍ നിന്നും പച്ചക്കറി വാഹനങ്ങളിലും മറ്റും കര്‍ണ്ണാടക മദ്യം കടത്തുന്നു എന്ന വിവരമുള്ളതിനാല്‍ ചെക്ക് പോസ്റ്റില്‍ കര്‍ശന പരിശോധന നടത്തുന്നുണ്ട്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സി.ആര്‍ പത്മകുമാര്‍ നേതൃത്തത്തില്‍ നടത്തിയ പരിശോധനയില്‍ എക്‌സൈസ് ഇന്‍സ്‌പെക്ടര്‍ സി.സന്തോഷ് , പ്രിവന്റീവ് ഓഫീസര്‍മാരായ പി.ശശി, കെ.ബി ബാബുരാജ്, സിവില്‍ എക്‌സൈസ് ഓഫീസര്‍ കെ.എ അര്‍ജുന്‍ എന്നിവര്‍ പങ്കെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍