സമ്പൂര്‍ണ്ണ ലോക്ഡൗണിനോട് പൂര്‍ണ്ണമായി സഹകരിച്ച് നാട്ടുകാര്‍
പനമരം:സംസ്ഥാനത്ത് പ്രഖ്യാപിച്ച സമ്പൂര്‍ണ്ണ ലോക്ഡൗണിനോട് പൂര്‍ണ്ണമായി സഹകരിച്ച് നാട്ടുകാര്‍. രാവിലെ തന്നെ പ്രധാന ടൗണുകളിലെല്ലാം തന്നെ പോലീസിന്റെ ശക്തമായ നിരീക്ഷണം ആരംഭിച്ചിരുന്നു. പനമരം, പുല്‍പ്പള്ളി, മീനങ്ങാടി, പടിഞ്ഞാത്തറ, വെള്ളമുണ്ട, തലപ്പുഴ മുതലായിടങ്ങളില്‍ സര്‍ക്കാരിന്റെ സന്ദേശം പൂര്‍ണ്ണമായി ഉള്‍ക്കൊണ്ടുകൊണ്ട് പൊതുവെ ജനങ്ങള്‍ ലോക്ക്ഡൗണിനോട് സഹകരിക്കുന്നതായിരുന്നു ആദ്യ ദിനത്തിലെ കാഴ്ച. അവശ്യസാധനങ്ങള്‍ക്കുള്ള കടകള്‍ മാത്രമാണ് തുറന്നിട്ടുള്ളത്. അനാവശ്യ കാര്യങ്ങള്‍ക്ക് വേണ്ടി പുറത്തിറങ്ങുന്ന ആളുകളെ ഇപ്പോള്‍ മടക്കി അയക്കുന്നുണ്ട്. വരും ദിവസങ്ങളില്‍ ശക്തമായ നടപടികളുമായി മുന്നോട്ടു പോകുമെന്ന് അധികൃതര്‍ അറിയിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍