ബത്തേരി സ്ഫോടനം; മൂന്നാമത്തെ കുട്ടിയും മരണപ്പെട്ടു
ബത്തേരി: വയനാട് സുല്ത്താന് ബത്തേരിയില് സ്പോടക വസ്തുക്കള് പൊട്ടിത്തെറിച്ച് ചികിത്സയിലായിരുന്ന മൂന്നാമത്തെ വിദ്യാര്ത്ഥിയും മരണത്തിന് കീഴടങ്ങി. കാരക്കണ്ടി ജലീല് - സുല്ഫിത്ത് ദമ്പതികളുടെ മകന് ഫെബിന് ഫിറോസ് (13) ആണ് ഇന്ന് പുലര്ച്ചയോടെ കോഴിക്കോട് മെഡിക്കല് കോളേജ് ആശുപത്രിയില് വെച്ച് മരിച്ചത്.സ്പോടനത്തില് പരിക്കേറ്റിരുന്നമുരളി (16), അജ്മല് (14) എന്നിവര് കഴിഞ്ഞ 26 ന് മരണത്തിന് കീഴടങ്ങിയ രുന്നു. കുപ്പാടി കാരക്കണ്ടിക്ക് സമീപം ആളൊഴിഞ്ഞ വീട്ടില് കഴിഞ്ഞ 22നായിരുന്നു സംഭവം. ഉച്ചയ്ക്ക് മണിയോടെ ഷെഡ്ഡിനുള്ളില് നിന്നും സ്ഫോടന ശബ്ദം കേട്ട് പ്രദേശവാസികള് പുറത്തിറങ്ങിയപ്പോള് ഷെഡ്ഡില് നിന്നും പൊള്ളലേറ്റ കുട്ടികള് പുറത്തേക്ക് ഓടി വരുന്നതാണ് കണ്ടത്.ഗുരുതരമായി പൊള്ളലേറ്റതിനെ തുടര്ന്ന് സുല്ത്താന് ബത്തേരി താലൂക്ക് ആശുപത്രിയിലും തുടര്ന്ന് വിദഗ്ധചികിത്സയ്ക്കായി കോഴിക്കോട് മെഡിക്കല് കോളേജിലേക്കും മാറ്റിയിരുന്നു.സംഭവവുമായി ബന്ധപ്പെട്ട് ബത്തേരി പോലീസ് അന്വേഷണം നടത്തി വരികയാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്