കരട് വിജ്ഞാപനം വയനാട്ടിലെ ജനങ്ങളോടുള്ള വെല്ലുവിളിയെന്ന് കെ.എസ്.യു
ബത്തേരി :വയനാട് ജില്ലയുടെ വിവിധ പ്രദേശങ്ങളെ ഉള്‍പ്പെടുത്തി പരിസ്ഥിതി ദുര്‍ബല പ്രദേശപരിധിയില്‍ ഉള്‍പെടുത്താനുള്ള കേന്ദ്ര പരിസ്ഥിതി മന്ത്രാലയത്തിന്റെ ജനവിരുദ്ധ നയങ്ങള്‍ക്കെതിരെ പ്രതിഷേധിച്ചുകൊണ്ട് കെ.എസ് .യു വയനാട് ജില്ലാ കമ്മിറ്റിയുടെ നേതൃത്വത്തില്‍ ഏകദിന ഉപവാസം ബത്തേരി സ്വതന്ത്ര മൈതാനിയില്‍ സംഘടിപ്പിച്ചു. വയനാടിന്റെ സമാധാനാന്തരീക്ഷം ഇല്ലാതാക്കുന്ന കരിനിയമങ്ങള്‍ ഒരു രീതിയിലും അംഗീകരിക്കില്ലെന്നും തുടര്‍ സമരങ്ങളുടെ ഭാഗമായി ജില്ലയിലെ മുഴുവന്‍ പഞ്ചായത്തുകളില്‍ നിന്നും വിദ്യാര്‍ത്ഥികളെ സംഘടിപ്പിച്ചുകൊണ്ട് മാസ്സ് മെയില്‍ ക്യാമ്പയിന്‍ നടത്തണമെന്നും ഉപവാസ സമരം ഉത്ഘാടനം ചെയ്ത് കൊണ്ട് ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍ പറഞ്ഞു. കെ എസ് യു ജില്ലാ പ്രസിഡന്റ് അമല്‍ ജോയ് അധ്യക്ഷത വഹിച്ചു.ഡി സി സി സെക്രട്ടറി ഡി പി രാജശേഖരന്‍ മുഖ്യപ്രഭാക്ഷണം നടത്തി ,ഷബീര്‍ അഹമ്മദ്, കുന്നത്ത് അഷറഫ്,അരിഫ് സി കെ ,അഫ്‌സല്‍ ചീരാല്‍, നിസ്സി അഹമ്മദ് ,അനുമോദ് കുമാര്‍, നിഖില്‍ തോമസ് അമല്‍ പങ്കജാക്ഷന്‍ ഷൈജിത്ത് സി എം, ഗൗതം ഗോഗുല്‍ദാസ് ,ശ്രീഹരി തൊവരിമല ,ഹര്‍ഷല്‍ കെ ,സോണിയ ,അമല്‍ ബാബു എന്നിവര്‍ സംസാരിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍