മനുഷ്യാവകാശ കമ്മീഷന് ഇടപെടണം:സജി ശങ്കര്.
കല്പ്പറ്റ:മേപ്പാടിയില് പ്രളയ സഹായം ലഭിക്കാത്തതിന്റെ പേരില് യുവാവ് ആത്മഹത്യ ചെയ്ത വിഷയത്തില് മനുഷ്യാവകാശ കമ്മീഷന് അടിയന്തിരമായി ഇടപെടണമെന്ന് ബി.ജെ.പി ജില്ല അധ്യക്ഷന് സജി ശങ്കര്. പുത്തുമല ദുരന്തത്തില് വീടും സ്ഥലവും നഷ്ടമായ കുടുംബങ്ങളെ പുനരധിവസിപ്പിക്കാനോ അര്ഹമായ നഷ്ട പരിഹാരം നല്കാനോ തയ്യാറാവാതിരുന്നതിന്റെ ഫലമായാണ് സനലിന്റെ ജീവന് നഷ്ടപ്പെട്ടത് . ദുരന്തത്തിന് ഒരു വയസാകുമ്പോഴും, ഗവണ്മെന്റ് പ്രഖ്യാപിച്ച അടിയന്തിര സഹായമായ പതിനായിരം രൂപ പോലും അര്ഹതപ്പെട്ട കുടുംബങ്ങള്ക്ക് ഇനിയും ലഭ്യമായിട്ടില്ല. പഞ്ചായത്തിലും കലക്ട്രേറ്റിലും കയറിയിറങ്ങി മനസു മടുത്ത കുടുംബങ്ങളെ സര്ക്കാര് ആത്മഹത്യയിലേക്ക് തള്ളി വിടുകയാണെന്നും അദ്ദേഹം ആരോപിച്ചു. കേന്ദ്ര സര്ക്കാര് അനുവദിച്ച പ്രളയ ദുരിതാശ്വാസ തുക വകമാറ്റി ചിലവഴിക്കുകയും കയ്യിട്ടു വാരുകയും ചെയ്തതിലൂടെ പ്രളയബാധിതരെ വഞ്ചിക്കുകയുമാണ് ഇടത് സര്ക്കാര് ചെയ്തത്. മനുഷ്യാവകാശ ലംഘനം നടത്തിയ ഭരണാധികാരികള്ക്കെതിരെ മനുഷ്യാവകാശ കമ്മീഷന് നരഹത്യക്ക് കേസെടുക്കണം . ജീവന് നഷ്ടമായ സനലിന്റെ കുടുംബത്തിന് അടിയന്തിരമായി 25 ലക്ഷം രൂപ നഷ്ടപരിഹാരം നല്കണമെന്നും, പ്രളയത്തില് വീടും സ്ഥലവും നഷ്ടമായ ആളുകള്ക്ക് എത്രയും പെട്ടന്ന് പുനരധിവാസവും നഷ്ടപരിഹാരം ഉറപ്പുവരുത്തണമെന്നും അല്ലാത്തപക്ഷം ശക്തമായ സമര പരിപാടികള്ക്ക് നേതൃത്വം നല്കുമെന്നും അദ്ധേഹം കൂട്ടിച്ചേര്ത്തു.