ബൈക്കപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു.
തിരുനെല്ലി :തിരുനെല്ലി ചേകാടി ശ്രീമംഗലം കോട്ടമൂല തിമ്മപ്പന്‍ വിനീത ദമ്പതികളുടെ മകന്‍ രഞ്ജിത്ത് (22) ആണ് മരിച്ചത്. നവംബര്‍ 26 ന് രഞ്ജിത്തും സുഹൃത്ത് രോഹിത്തും (20) സഞ്ചരിച്ചിരുന്ന ബൈക്കും ടിപ്പറും കൂട്ടിയിടിച്ചാണ് അപകടം സംഭവിച്ചത്. തോല്‍പ്പെട്ടി നായ്ക്കട്ടി പാലത്തിന് സമീപം വെച്ചാണ് അപകടം നടന്നത്. വയറിംഗ് തൊഴിലാളികളായ ഇരുവരും ജോലിക്കായി കുടകിലേക്ക് പോകുന്ന വഴിയാണ് അപകടം സംഭവിച്ചത്.അപകടത്തെ തുടര്‍ന്ന് കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ച രഞ്ജിത്ത് ഇന്നലെ അര്‍ധരാത്രിയോടെ മരിക്കുകയായിരുന്നു. രോഹിത്ത് ഇപ്പോള്‍ കല്‍പ്പറ്റയിലെ സ്വകാര്യ ആശുപത്രിയില്‍ ചികിത്സയില്‍ കഴിയുകയാണ്. രമ്യ ഏക സഹോദരിയാണ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍