ഓട്ടോ ടാക്‌സി വായ്പ അപേക്ഷ ക്ഷണിച്ചു
പട്ടികജാതി പട്ടികവര്‍ഗ്ഗ വികസന കോര്‍പ്പേറേഷന്‍ ദേശീയ പട്ടിക ജാതി ധനകാര്യ വികസന കോര്‍പ്പറേഷന്റെ സാമ്പത്തിക സഹായത്തോടെ നടപ്പാക്കുന്ന ഓട്ടോ ടാക്‌സി വായ്പാ പദ്ധതിയിലേക്ക് അപേക്ഷ ക്ഷണിച്ചു. പരമാവധി 3.70 ലക്ഷം രൂപയാണ് വായ്പ ലഭിക്കുക. അപേക്ഷകര്‍ പട്ടിക ജാതിയില്‍പ്പെട്ട തൊഴില്‍ രഹിതരും 18നും 55 നും പ്രായമുള്ളവരുമായിരിക്കണം. കുടംബ വാര്‍ഷിക വരുമാനം ഗ്രാമപ്രദേശങ്ങളില്‍ 98000 രൂപയും നഗരവാസികള്‍ക്ക് 120,000 രൂപയിലും കവിയാന്‍ പാടില്ല. വായ്പാ തുക 6 ശതമാനം പലിശ സഹിതം 5 വര്‍ഷം കൊണ്ട് തിരിച്ചടയ്ക്കണം. ഈടായി കോര്‍പ്പറേഷന്റെ നിബന്ധനകള്‍ക്ക് വിധേയമായി ആവശ്യമായ ഉദ്യോഗസ്ഥ ജാമ്യമോ വസ്തു ജാമ്യമോ നല്‍കണം. വാഹനം ഓടിക്കുന്നതിനുള്ള ലൈസന്‍സും ബാഡ്ജും ഉണ്ടായിരിക്കണം. അപേക്ഷ ഫോറം പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്റെ കല്‍പ്പറ്റയിലെ ഓഫീസില്‍ നിന്നും ലഭിക്കും. ഫോണ്‍ 04936 202869.
