ചാരായം വാറ്റാന്‍ സൂക്ഷിച്ച 40 ലിറ്റര്‍ വാഷ് പിടികൂടി; ഒരാള്‍ അറസ്റ്റില്‍
കല്‍പ്പറ്റ: ചാരായം വാറ്റുന്നതിനായി സൂക്ഷിച്ച 40 ലിറ്റര്‍ വാഷുമായി മുപ്പൈനാട് മാന്‍കുന്ന് സ്വദേശിയെ കല്‍പ്പറ്റ എക്‌സൈസ് റേഞ്ച് സംഘം അറസ്റ്റ് ചെയ്തു. മാന്‍കുന്ന് പുതുശ്ശേരി വീട്ടില്‍ ബാബു പി. (58) ആണ് അറസ്റ്റിലായത്. പ്രതിയുടെ വീടിന്റെ പശുത്തൊഴുത്തിന് സമീപം സൂക്ഷിച്ച നിലയിലാണ് വാഷ് കണ്ടെത്തിയത്.
കല്‍പ്പറ്റ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) ജി. അനില്‍കുമാറിന്റെ നേതൃത്വത്തിലുള്ള സംഘമാണ് പരിശോധന നടത്തി വാഷ് പിടികൂടി പ്രതിയെ അറസ്റ്റ് ചെയ്തത്. സംഭവത്തില്‍ അബ്കാരി കേസ് രജിസ്റ്റര്‍ ചെയ്തു.കോടതിയില്‍ ഹാജരാക്കിയ പ്രതിയെ റിമാന്റ് ചെയ്തുപ്രിവന്റീവ് ഓഫീസര്‍ (ഗ്രേഡ്) പ്രമോദ് കെ.പി., സിവില്‍ എക്‌സൈസ് ഓഫീസര്‍മാരായ അരുണ്‍ കെ.വി., അഖില്‍ രാജ്, വനിതാ സിവില്‍ എക്‌സൈസ് ഓഫീസര്‍ മുനീറ, പ്രിവന്റീവ് ഓഫീസര്‍ െ്രെഡവര്‍ സന്തോഷ് ടി.പി. എന്നിവരും പരിശോധനാ സംഘത്തിലുണ്ടായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍