ഫുട്ബോൾ അക്കാദമി ഉദ്ഘാടനം ചെയ്തു
ബത്തേരി ഗവൺമെന്റ് സർവജന സ്കൂളിലെ ഫുട്ബോൾ അക്കാദമി മുൻ ഇന്ത്യൻ ഫുട്ബോൾ താരവും കേരള പോലീസ് ഫുട്ബോൾ ടീം അംഗവുമായിരുന്ന റിട്ടയേർഡ് DYSP കെ ടി ചാക്കോ ഉദ്ഘാടനം ചെയ്തു.
മുൻ ഇന്ത്യൻ യൂണിവേഴ്സിറ്റി താരവും സന്തോഷ് ട്രോഫി കേരള ഫുട്ബോൾ ടീം സെലക്ടറുമായ പ്രഹ്ലാദൻ, മുൻ നാഷണൽ റഫറിയും ഹെഡ് ഓഫ് റഫറീസ് കേരളയുമായ രാമചന്ദ്രൻ എന്നിവരും ചടങ്ങിൽ പങ്കെടുത്ത് സംസാരിച്ചു.
ശാസ്ത്രീയമായ രീതിയിൽ, അംഗീകൃത കോച്ചുമാരുടെ കീഴിൽ വിദഗ്ധ പരിശീലനം നൽകി വിദ്യാർത്ഥികളെ ഫുട്ബോൾ പ്രതിഭകളാക്കി മാറ്റുകയാണ് അക്കാദമിയുടെ ലക്ഷ്യം.
ആൺ കുട്ടികൾക്കും പെൺ കുട്ടികൾക്കും പരിശീലനം നൽകുന്നുണ്ട്
എല്ലാ ദിവസവും വൈകിട്ട് 4 മണി മുതലാണ് ഫുട്ബോൾ കോച്ചിംഗ്.
സീനിയർ അസിസ്റ്റന്റ് സൗദാബി സ്വാഗതം പറഞ്ഞു. ഹെഡ്മിസ്ട്രസ് ബിജി വർഗീസ് അധ്യക്ഷത വഹിച്ചു.
ജില്ലാ ഫുട്ബോൾ അസോസിയേഷൻ സെക്രട്ടറി ബിനു തോമസ്, ജില്ലാ റഫറി അസോസിയേഷൻ സെക്രട്ടറി സന്തോഷ്, വിഎച്ച്എസ്ഇ പ്രിൻസിപ്പൽ ദിലിൻ സത്യനാഥ്, കായികാധ്യാപകരായ ബിനു,ഏലിയാമ്മ എന്നിവർ ആശംസ അർപ്പിച്ചു.
*ക്യാമ്പ് കോഡിനേറ്റർ പി നൗഷാദ് നന്ദി പറഞ്ഞു*
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍