ഓപ്പറേഷന്‍ സൈ ഹണ്ട് ; വയനാട് ജില്ലയില്‍ 27 കേസുകള്‍ രജിസ്റ്റര്‍ ചെയ്തു
കല്‍പ്പറ്റ: സംസ്ഥാന വ്യാപകമായി നടത്തിയ സൈ ഹണ്ട് (Cy-Hunt) ഓപ്പറേഷന്റെ ഭാഗമായി വയനാട് ജില്ലയില്‍ 38 ഇടങ്ങളില്‍ പരിശോധന നടത്തിയതില്‍ 27 കേസുകള്‍ രജിസ്റ്റര്‍ ചെയ്തു. 21 പേരെ പിടികൂടി നോട്ടീസ് നല്‍കി. ബാങ്ക് അക്കൌണ്ടുകള്‍ കേന്ദ്രീകരിച്ചുള്ള മ്യൂള്‍ അക്കൗണ്ടുകള്‍, ചെക്ക്, എ.ടി.എം കാര്‍ഡ് തുടങ്ങിയവ ഉപയോഗിച്ച് വിവിധ തരത്തിലുള്ള സാമ്പത്തിക കുറ്റകൃത്യങ്ങളില്‍ ഏര്‍പ്പെടുന്നവര്‍ക്കെതിരെയാണ് പോലീസ് നടപടി സ്വീകരിച്ചത്.കേരള സൈബര്‍ ഡിവിഷന്‍ന്റെ നേതൃത്വത്തില്‍ ബാങ്ക് അക്കൌണ്ടുകള്‍ കേന്ദ്രീകരിച്ചും മറ്റും സാമ്പത്തിക കുറ്റകൃത്യങ്ങളില്‍ ഏര്‍പ്പെടുന്നവരെ നിരന്തരമായി നിരീക്ഷിച്ചാണ് പോലീസ് സൈബര്‍ ഹണ്ട് ഓപ്പറേഷന്‍ നടപ്പിലാക്കിയത്. ജില്ലാ പോലീസ് മേധാവി എസ്. ദേവമനോഹര്‍ ഐ.പി.എസിന്റെ മേല്‍നോട്ടത്തില്‍ ജില്ലയിലെ വിവിധ പോലീസ് സ്‌റ്റേഷനുകളില്‍ പ്രത്യേക സ്‌ക്വാഡുകള്‍ രൂപീകരിച്ചാണ് പരിശോധന നടത്തിയത്. ബാങ്ക് അക്കൌണ്ടുകള്‍ കേന്ദ്രീകരിച്ച് അന്വേഷണം നടത്തി സൈബര്‍ കുറ്റകൃത്യങ്ങളില്‍ ബന്ധമുള്ള മറ്റു പ്രതികളെ കണ്ടെത്തി തുടര്‍ നടപടികള്‍ സ്വീകരിക്കും.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍