സോഫയ്ക്കുള്ളില്‍ നിന്നും അണലിയെ പിടികൂടി
മാനന്തവാടി: ഒണ്ടയങ്ങാടി എടപ്പടി ചെരുവുകാലായില്‍ ശ്യാംജിത്തിന്റെ വീട്ടിലെ സോഫയ്ക്കുള്ളില്‍ ഒളിച്ച അണലിയെ സുജിത്ത് വയനാട് പിടികൂടി.
വീട്ടുകാര്‍ പുറത്തുപോയി തിരിച്ചെത്തിയപ്പോഴാണ് സോഫയുടെ പരിസരത്ത് അണലിയെ കണ്ടത്. തുടര്‍ന്ന് അണലി സോഫയ്ക്കടിയിലേക്ക് കയറി ഒളിക്കുകയായിരുന്നു. വിവരമറിഞ്ഞ് സ്ഥലത്തെത്തിയ സുജിത്ത് വയനാട് പ്രാഥമിക പരിശോധന നടത്തിയെങ്കിലും അണലിയെ കണ്ടെത്താനായില്ല.
അണലിക്ക് പുറത്തേക്ക് രക്ഷപ്പെടാന്‍ സാധ്യതയില്ലെന്ന് മനസ്സിലാക്കിയതോടെ സോഫയുടെ അടിഭാഗത്തെ ആവരണം നീക്കി വിശദമായി പരിശോധിച്ചു. ഇതോടെയാണ് സോഫയ്ക്കുള്ളില്‍ ഒളിച്ചിരുന്ന അണലിയെ കണ്ടെത്തിയത്. തുടര്‍ന്ന് അണലിയെ സുരക്ഷിതമായി പിടികൂടി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍