പള്ളിക്കല്‍ ഡിവിഷന്‍ ഉപതെരഞ്ഞെടുപ്പ്: കോണ്‍ഗ്രസും ലീഗും കട്ടയ്ക്ക് കട്ട..! ലീലാ ഗോവിന്ദനും നാമനിര്‍ദേശ പത്രിക സമര്‍പ്പിച്ചു
മാനന്തവാടി: നന്തവാടി ബ്ലോക്ക് പഞ്ചായത്ത് എടവക ഡിവിഷനില്‍ ഉപതെരഞ്ഞെടുപ്പില്‍ യുഡിഎഫില്‍ തര്‍ക്കം രൂക്ഷം. ഇന്നലെ ഏക പക്ഷീയമായി ലീഗ് സ്ഥാനാര്‍ത്ഥി ബിന്ദു അണ്ണന്‍ നാമനിര്‍ദേശ പത്രിക സമര്‍പ്പിച്ചതിന് പിന്നാലെ ഇന്ന് കോണ്‍ഗ്രസ് സ്ഥാനാര്‍ഥി ലീലാ ഗോവിന്ദനും നാമനിര്‍ദേശ പത്രിക സമര്‍പ്പിച്ചു. ഇതോടെ യൂ ഡി എഫ് സ്ഥാനാര്‍ത്ഥികളെന്ന പേരില്‍ പത്രിക സമര്‍പ്പിച്ചവര്‍ രണ്ടായി. ജില്ലാ യു ഡി എഫ് കണ്‍വീനര്‍ എച്ച് ബി പ്രദീപ് മാസ്റ്ററും, കോണ്‍ഗ്രസ് ജില്ലാ നേതാക്കളുമടക്കമുള്ളവരുടെ സാന്നിധ്യത്തിലാണ് ലീല പത്രിക സമര്‍പ്പിച്ചത്. ലീഗിനെ സംബന്ധിച്ചിടത്തോളം ബ്ലോക്ക് പ്രസിഡന്റ് സ്ഥാനം കരസ്ഥമാക്കാന്‍ പള്ളിക്കലില്‍ നിന്നും ലീഗ് പ്രതിനിധി ജയിച്ചു വരണമെന്നിരിക്കെ വരും ദിവസങ്ങള്‍ ലീഗിനെ സംബന്ധിച്ചിടത്തോളം നിര്‍ണ്ണായകമാണ്. എന്നാല്‍ നിലവില്‍ കോണ്‍ഗ്രസ് സ്ഥാനാര്‍ത്ഥി വിജയിച്ച മണ്ഡലം ഒരു കാരണവശാലും വിട്ടുകൊടുക്കില്ലെന്ന നിലപാടിലാണ് കോണ്‍ഗ്രസ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍