ആവണി അവിട്ടം; യജുര് ഉപാകര്മ്മം നടത്തി.
തോണിച്ചാല്: പയിങ്ങാട്ടിരി ഗ്രാമത്തില് ആവണി അവിട്ടത്തിനോടനുബന്ധിച്ച് യജുര് ഉപാകര്മ്മം ഭക്തിനിര്ഭരമായി നടത്തി. ആചാര്യന് പരമേശ്വര വാധ്യാരുടെ നേതൃത്വത്തില് നടന്ന ചടങ്ങില് വയനാടിന്റെ വിവിധ ഭാഗങ്ങളില് നിന്നുള്ള തമിഴ് ബ്രാഹ്മണര് പങ്കെടുത്തു. ചടങ്ങുകള്ക്കുള്ള ഒരുക്കങ്ങള്ക്ക് ശിവരാജ് നേതൃത്വം നല്കി.ഏകദേശം 350 വര്ഷങ്ങള്ക്ക് മുന്പ് തഞ്ചാവൂരില് നിന്നും കോട്ടയം രാജാവ് പൂജാദികര്മ്മങ്ങള്ക്കായി കൊണ്ടുവന്നവരാണ് പയിങ്ങാട്ടിരിയിലെ ബ്രാഹ്മണ സമൂഹം. മലയാള ബ്രാഹ്മണരില് നിന്നും വ്യത്യസ്തമായി ഇവര് വര്ഷത്തിലൊരിക്കല് മാത്രമാണ് പൂണൂല് മാറ്റുന്നത്.കാലമേറെ മാറിയിട്ടും പുതിയ തലമുറയും ഈ ആചാരങ്ങള് അതേപടി വച്ചുപുലര്ത്തുന്നു എന്ന പ്രത്യേകതയുമുണ്ട്. ഇത്തവണത്തെ ആവണി അവിട്ടത്തില് 'തല ആവണി അവിട്ട'ത്തിനായി രണ്ട് ബാലന്മാരും പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്