ലോണ് തട്ടിപ്പ്; ശ്രീറാം ഫിനാന്സിന്റെ പുല്പ്പള്ളി ബ്രാഞ്ചിലേക്ക് ഡിവൈഎഫ്ഐ മാര്ച്ച് നടത്തി.
പുല്പ്പള്ളി: ലോണ് തട്ടിപ്പുമായി ബന്ധപ്പെട്ട് ഡിവൈഎഫ്ഐ പുല്പ്പള്ളി ബ്ലോക്ക് കമ്മറ്റിയുടെ നേതൃത്വത്തില് ശ്രീറാം ഫിനാന്സിന്റെ പുല്പ്പള്ളി ബ്രാഞ്ചിലേക്ക് മാര്ച്ച് നടത്തി. നേരത്തെ ഇടപാടുകള് നടത്തിയവരും, മറ്റു ലോണുകള്ക്ക് ജാമ്യം നിന്നവരുമായ ആളുകളുടെ പേരില് അവര് പോലും അറിയാതെ ലോണ് എടുത്തതായിട്ടാണ് കാണിക്കുന്നത്. ഇതുമൂലം സിബില് സ്കോര് കുറയുന്ന നിലയുണ്ടായിട്ടുണ്ട്. അതുകൊണ്ട് തന്നെ പല ലോണുകള്ക്കും സമീപിക്കുമ്പോള് ലോണ് തുക കൂടുതല് ആയി എന്ന പേര് പറഞ്ഞ് മറ്റു ബാങ്കുകള് ലോണ് നിഷേധിക്കുകയാണ്. ഒരാഴ്ചയ്ക്കുള്ളില് വിഷയത്തിന് പരിഹാരം കാണുമെന്ന ഉറപ്പിന്മേല് സമരം അവസാനിപ്പിച്ചു.സമരം ഡിവൈഎഫ്ഐ പുല്പ്പള്ളി ബ്ലോക്ക് സെക്രട്ടറി അജിത് കെ ഗോപാല് ഉദ്ഘാടനം ചെയ്തു.
വിഷ്ണു സി ആര് ,അരുണ് വി പുരുഷോത്തമന്,അരുണ് തമ്പി, രജിന് കുമാര് എന്നിവര് സംസാരിച്ചു.അനീഷ് എന് വി സ്വാഗതവും വിഷ്ണു സജി നന്ദിയും പറഞ്ഞു.ബ്ലോക്ക് പ്രസിഡന്റ് സുജില് എ എസ് അധ്യക്ഷനായി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്