വ്യാപാരി വ്യവസായി സമിതി തലപ്പുഴ യൂണിറ്റ് സമ്മേളനം നടത്തി
തലപ്പുഴ: കേരള സംസ്ഥാന വ്യാപാരി വ്യവസായി സമിതി തലപ്പുഴ യൂണിറ്റ് സമ്മേളനം ചേര്ന്നു. കച്ചവട സ്ഥാപനങ്ങള്ക്ക് മുന്നില് സ്വന്തം സ്ഥലത്ത് മഴ മറ എന്ന നിലയില് താല്ക്കാലിക ഷീറ്റ് ഇട്ടു എന്ന ഒറ്റ കാരണത്താല് പഞ്ചായത്തില് നിന്നും കച്ചവട ലൈസന്സ് അനുവധിക്കാത്ത പഞ്ചായത്ത് നടപടിയില് യോഗം പ്രതിഷേധിച്ചു. കുഴിനിലത്ത് കെഎസ്ഇബി യുടെ സ്ഥലം ഏറ്റെടുത്ത് മെഡിക്കല് കോളേജിന്റെ നിര്മ്മാണപ്രവര്ത്തനങ്ങള് ഉടന് ആരംഭിക്കണമെന്നും, മഴക്കാലത്ത് പേര്യ, പാല് ചുരങ്ങള് മണ്ണിടിച്ചില് മൂലം ബ്ലോക്ക് ആയി വയനാട് ഒറ്റപ്പെടുന്നതിനാല് തലപ്പുഴ 44-ാം മൈല് അമ്പായത്തോട് ചുരമില്ലാ പാത യാഥാര്ത്ഥ്യമാക്കണമെന്നും സമ്മേളനം ആവശ്യപ്പെട്ടു. ജില്ല വൈസ് പ്രസിഡന്് കെ പി ശ്രീധരന് സമ്മേളനം ഉദ്ഘാടനം ചെയ്തു.
മുഹമ്മദ് ഷമിം അധ്യക്ഷത വഹിച്ചു. എം ആര് സുരേഷ് ,സുനില് കെ ജി, ഷബിത ടീച്ചര്, രവീന്ദ്രന് വി ടി , ജോയി കുന്നേല്, ഹുസൈന് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്