സ്വാതന്ത്ര്യ ദിനാഘോഷം: മന്ത്രി അഡ്വ ടി സിദ്ദീഖ് പതാക ഉയര്ത്തും
കല്പ്പറ്റ: സ്വാതന്ത്ര്യ ദിനാഘോഷത്തോടനുബന്ധിച്ച് കല്പ്പറ്റ എസ്.കെ.എം.ജെ ഹയര്സെക്കന്ഡറി സ്കൂള് ഗ്രൗണ്ടില് നാളെ (ഓഗസ്റ്റ് 15) രാവിലെ ഒന്പതിന് നടക്കുന്ന പരേഡില് കൃഷി വകുപ്പ് മന്ത്രി അഡ്വ ടി സിദ്ദീഖ് പതാക ഉയര്ത്തി സല്യൂട്ട് സ്വീകരിക്കും. എം എല് എമാരായ ഐ.സി ബാലകൃഷ്ണന്, ഉഷാ വിജയന്, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്, ജില്ലാ കളക്ടര് ഡി ആര് മേഘശ്രീ, ജില്ലാ പോലീസ് മേധാവി എസ് ദേവമനോഹര് തുടങ്ങിയവര് പങ്കെടുക്കും. പരേഡില് പോലീസ്, എക്സൈസ്, ഫോറസ്റ്റ്, എന്.സി.സി, എസ്.പി.സി, സ്കൗട്ട് ആന്ഡ് ഗൈഡസ്, ബാന്ഡ് ഉള്പ്പെടെ 17 പ്ലറ്റൂണുകള് അണിനിരക്കും. ജില്ലയിലെ വിവിധ സ്കൂളുകളില് നിന്നുള്ള വിദ്യാര്ത്ഥികള് അവതരിപ്പിക്കുന്ന വട്ടക്കളിപാട്ട്, പരമ്പരാഗത നൃത്തം, പരമ്പരാഗത ഗാനം, ബാന്ഡ് തുടങ്ങി വൈവിധ്യമാര്ന്ന കലാപരിപാടികള് അരങ്ങേറും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്