ലഹരിക്കെതിരെ കൂട്ടയോട്ടം നടത്തി സുല്ത്താന് ബത്തേരി റോട്ടറി
ബത്തേരി: സുല്ത്താന്ബത്തേരി സമൂഹത്തില് ഇപ്പോള് ഏറ്റവും കൂടുതലായി കണ്ടുവരുന്ന മയക്കുമരുന്ന് എതിരായി കൂട്ട ഓട്ടം സംഘടിപ്പിച്ചു സുല്ത്താന്ബത്തേരി റോട്ടറി . സ്വാതന്ത്ര്യ ദിനത്തോടനുബന്ധിച്ച് സുല്ത്താന്ബത്തേരി സര്വജന ഹയര്സെക്കന്ഡറി സ്കൂളില് വെച്ച് നടന്ന സ്വാതന്ത്ര്യദിന ചടങ്ങിനു ശേഷമാണ് കൂട്ട ഓട്ടം സംഘടിപ്പിച്ചത്. മേല് പരിപാടിക്ക് മുഖ്യ സന്ദേശം റൊട്ടേറിയന് ഡോക്ടര് മധുസൂദനന് നല്കി. സുല്ത്താന്ബത്തേരി സര്വ്വജന ഹയര്സെക്കന്ഡറി സ്കൂളില് നിന്ന് തുടങ്ങിയ കൂട്ട ഓട്ടം ഗാന്ധി സ്ക്വയറില് അവസാനിച്ചു. സുല്ത്താന്ബത്തേരി റോട്ടറിയും സര്വ്വജന ഹയര്സെക്കന്ഡറി സ്കൂളും യെസ് ഭാരതും, മീര ഇഖ്ര ഹോസ്പിറ്റലും ചേര്ന്നാണ് കൂട്ട ഓട്ടം സംഘടിപ്പിച്ചത്, സുല്ത്താന്ബത്തേരി റോട്ടറി പ്രസിഡന്റ് എം എസ് ദിലീപ്, സെക്രട്ടറി അബ്രെയ്സ് തോമസ്, ഹരികുമാര്, സണ്ണി വിളക്കുന്നേല്, സി എം ചന്ദ്രന്, മനോജ് കെ റ്റി എന്നിവരും സ്കൂള് അധികൃതരും പരിപാടികള്ക്ക് നേതൃത്വം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്