കാടുമൂടികിടന്നിട്ടും പാടിച്ചിറ വില്ലേജ് ഓഫീസ് പരിസരം ശുചീകരിക്കുന്നതിന് നടപടിയില്ലെന്ന് പരാതി.
പുല്പ്പള്ളി: പാടിച്ചിറ വില്ലേജ് ഓഫീസ് പരിസരം കാടുമൂടികിടന്നിട്ടും വെട്ടിത്തെളിക്കുന്നതിന് നടപടിയില്ലെന്ന് പരാതി. കാടൂകള്മൂലം ഓഫീസിലെത്തുന്നവര്ക്ക് ഗേറ്റിലൂടെ കടന്നുപോകാന് കഴിയാത്ത അവസ്ഥയാണ്. ഓഫീസിന്റെ ഗേറ്റിന് സമീപത്തെ വെള്ളക്കെട്ടും കാടുകളും മൂലം ഓഫീസിലെത്തുന്നവര്ക്ക് കാട് വകഞ്ഞുമാറ്റിവേണം ഓഫീസിലേക്ക് കയറാന്. ഓഫീസിന്റെ മൂന്ന് ഭാഗത്തും കാടുകള്വളര്ന്നു നില്ക്കുന്നത് വെട്ടിത്തെളിക്കണമെന്ന് നിരവധിതവണ അധികൃതരോട് ആവശ്യപ്പെട്ടെങ്കിലും ഉത്തരവാദിത്വപ്പെട്ടവരുടെ ഭാഗത്തുനിന്നും നടപടിയുണ്ടായിട്ടില്ല. അടിയന്തിരമായി പഞ്ചായത്ത് ഇടപെട്ട് തൊഴിലുറപ്പ് പദ്ധതിയിലുള്പ്പെടുത്തിയെങ്കിലും ഓഫീസ് പരിസരത്തെ കാടുകള് വെട്ടിത്തെളിക്കുന്നതിനാവശ്യമായ നടപടി വേണമെന്നാണ് നാട്ടുകാരുടെ ആവശ്യം. വില്ലേജ് ഓഫീസിനോട് ചേര്ന്ന വെയിറ്റ്ങ് ഷെഡ് പരിസരവും കാടുവളര്ന്നു പന്തലിച്ചുനില്ക്കുന്ന നിലയിലാണ്. ഇവിടെ നിരവധിയാളുകള് ബസ് കാത്തുനില്ക്കുന്ന സ്ഥലമായിട്ടുപോലും ഈ പരിസരത്തെ കാടുവെട്ടിത്തെളിക്കാന് ആരും തയ്യാറായിട്ടില്ല.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്