അന്വേഷണം പൂര്ത്തിയാകും വരെ ഓഫീസ് പ്രവര്ത്തനം നിര്ത്തിവയ്ക്കണം: യുഡിവൈഎഫ് ; കുടുംബശ്രീ ഓഫീസ് ഉപരോധിച്ചു
മീനങ്ങാടി: യൂത്ത് കോണ്ഗ്രസിന്റെയും യൂത്ത് ലീഗിന്റെയും നേതൃത്വത്തില് മീനങ്ങാടി ഗ്രാമപഞ്ചായത്ത് കുടുംബശ്രീ ഓഫീസ് ഉപരോധിച്ചു. പ്രവര്ത്തകരും പോലീസും തമ്മില് വാക്കേ ഏറ്റവും ഉന്തും തള്ളും ഉണ്ടായി.ഓഡിറ്റ് വിഭാഗം നടത്തുന്ന പരിശോധനയില് ഗുരുതരമായ സാമ്പത്തിക ക്രമക്കേടുകള് കണ്ടെത്തിയതിനാല് അന്വേഷണം പൂര്ത്തിയാകും വരെ ഓഫീസ് പ്രവര്ത്തനം നിര്ത്തിവയ്ക്കണമെന്ന് ആവശ്യപ്പെട്ടാണ് സമരം നടന്നത്. ചെയര്പേഴ്സണ്ന്റെയും അക്കൗണ്ടന്റിന്റെയും നേതൃത്വത്തില് അപഹരിക്കപ്പെട്ട പണം ഇപ്പോള് കുടുംബശ്രീ ഓഫീസില് സ്വീകരിച്ച് പുതിയ റെസിപ്പുകള് നല്കുന്നത് അഴിമതി മൂടിവയ്ക്കാനും കുറ്റക്കാരെ സംരക്ഷിക്കാനുമാണെന്ന് യുഡിവൈഎഫ് പ്രവര്ത്തകര് ആരോപിച്ചു.
ഇതില് നിന്നും നിലവിലെ കുടുംബശ്രീ ഭരണസമിതിയും അഴിമതിക്കാരോടൊപ്പമാണെന്നും തെളിവു നശിപ്പിക്കുന്നതിന് ആവശ്യമായ ഇടപെടലുകളാണ് നടത്തുന്നതെന്ന് ബോധ്യമാകും.
ഒഡിറ്റില് തിരിമറി കണ്ടെത്തിയ രേഖകളും ഇനി ഓഡിറ്റ് നടക്കാനിരിക്കുന്ന വര്ഷങ്ങളിലെ രേഖകളും ഓഫീസ് തുറന്നു പ്രവര്ത്തിച്ചാല് നശിപ്പിക്കപ്പെടാന് സാധ്യതയുണ്ട് സമരക്കാര് പറഞ്ഞു.
ജില്ലാ വൈസ് പ്രസിഡന്റ് നിത. കെ കേളു, എം ജെ അനീഷ്, ജസ്റ്റിന് ജോഷുവ, സിറാജ് കാക്കവയല്, കെ ഷെമീര്, ഷെഫീക് നാടുകട്ടില്
ജിബിന് നൈനാന്, ശ്രീനിവാസന് വേങ്ങൂര്, ബേസില് സാബു . വീ നൗഫല്
എം മുനീര് എന്നിവര് നേതൃത്വം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്