ലഹരിക്കെതിരെ യുവത്വം സന്നദ്ധരാകണം: 'ഫ്യൂച്ചര് ഫോക്കസ്' സെമിനാര് സംഘടിപ്പിച്ചു
കല്പ്പറ്റ: ലക്ഷ്യബോധമുള്ള ഒരു നാളെയെ സൃഷ്ടിക്കാന് യുവാക്കള് വിമുക്തി മിഷന് പ്രവര്ത്തനങ്ങള് സമൂഹത്തില് വ്യാപകമായി പ്രചരിപ്പിക്കുന്ന 'ജനജാഗ്രതാ വോളന്റീയര് ടീം' ആയി സന്നദ്ധ പ്രവര്ത്തനങ്ങള്ക്ക് മുന്നിട്ടിറങ്ങണമെന്ന് എക്സൈസ് വിമുക്തി മിഷന് വയനാട് ജില്ലാ കോര്ഡിനേറ്റര് എന്.സി.സജിത്ത്കുമാര് അച്ചൂരാനം ആഹ്വാനം ചെയ്തു.കല്പ്പറ്റ പഴശ്ശി െ്രെടബല് കോളേജില് ലഹരിക്കെതിരെ കോളേജ് നേര്ക്കൂട്ടം കമ്മിറ്റിയുടെ നേതൃത്വത്തില് സംഘടിപ്പിച്ച 'ഫ്യൂച്ചര് ഫോക്കസ്' ബോധവല്ക്കരണ സെമിനാറില് മുഖ്യപ്രഭാഷണം നടത്തി സംസാരിക്കുകയായിരുന്നു അദ്ദേഹം.ചടങ്ങില് കോളേജ് അധ്യാപകന് എം.പി. അനീഷ് അധ്യക്ഷത വഹിച്ചു.കെ.വി.ഡാനി, കെ.ആര്.ഷിജി എന്നിവര് ആശംസകള് അര്പ്പിച്ചു സംസാരിച്ചു.വിദ്യാര്ത്ഥി ലീഡര് സൂരജ് സുരേഷ് സ്വാഗതവും കെ.ഷിജിത നന്ദിയും രേഖപ്പെടുത്തി. തുടര്ന്ന് വിദ്യാര്ത്ഥികള്ക്കായി പ്രത്യേക ബോധവല്ക്കരണ ക്ലാസും നടന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്