വാഹനാപകടത്തില് യുവാക്കള്ക്ക് പരിക്ക്
കാട്ടിക്കുളം:സ്കൂട്ടറും കാറും കൂട്ടിയിടിച്ച് സ്കൂട്ടര് യാത്രികരായ 2 പേര്ക്ക് പരിക്കേറ്റു. ഒരപ്പ് പുത്തന്പുരക്കല് സുരേഷ്, കാമ്പെട്ടി കോലത്തിന മറ്റത്തില് ബാബു എന്നിവര്ക്കാണ് പരിക്കേറ്റത്. ഇന്ന് രാവിലെ കാട്ടിക്കുളം തോല്പ്പെട്ടി റൂട്ടില് ഒന്നാം മൈലില് വെച്ചായിരുന്നു സംഭവം. കുടക് ഭാഗത്ത് കെട്ടിട നിര്മ്മാണ തൊഴിലിനായി ഇരുവരും സ്കൂട്ടറില് പോകവേ ആയിരുന്നു സംഭവം.അപകടത്തില് കാലുകള്ക്ക് ഗുരുതര പരിക്കേറ്റ സുരേഷിന് മാനന്തവാടി മെഡിക്കല് കോളേജില് പ്രാഥമിക ചികിത്സ നല്കിയ ശേഷം അടിയന്തര ശസ്ത്രക്രിയക്കായി കോഴിക്കോട് മെഡിക്കല് കോളേജിലേക്ക് റഫര് ചെയ്തു. ബാബു നിലവില് മാനന്തവാടി മെഡിക്കല് കോളേജില് ചികിത്സയില് തുടരുകയാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്