കള്ളാടി മണ്ണിടിച്ചില്;സമഗ്ര അന്വേഷണത്തിന് അഞ്ചംഗ വിദഗ്ധ സമിതിയെ നിയോഗിച്ച് സര്ക്കാര്
കള്ളാടി: കള്ളാടി തുരങ്ക നിര്മാണ പ്രദേശത്തെ മണ്ണിടിച്ചില് സംബന്ധിച്ച് സമഗ്ര അന്വേഷണം നടത്താന് സംസ്ഥാന സര്ക്കാര് അഞ്ചംഗ വിദഗ്ധ സമിതിയെ നിയോഗിച്ചു. ദുരന്ത നിവാരണ വകുപ്പ് 2026 പ്രകാരമാണ് സര്ക്കാര് സമിതി രൂപീകരിച്ചത്. ഭൗമ ശാസ്ത്രജ്ഞന് ഡോ. സി. പി രാജേന്ദ്രന് സമിതി അധ്യക്ഷനും പരിസ്ഥിതി ശാസ്ത്രജ്ഞന് വിഷ്ണുദാസ്, സംസ്ഥാന ചീഫ് വൈല്ഡ് ലൈഫ് വാര്ഡന് ഡോ പി. പുഗഴേന്തി, പൊതുമരാമത്ത് വകുപ്പ് സെക്രട്ടറി ഡോ അദീല അബ്ദുള്ള എന്നിവര് അംഗങ്ങളായും ദുരന്ത നിവാരണ വകുപ്പ് സെക്രട്ടറി ജീവന് ബാബു കെ കണ്വീനറുമായാണ് സമിതി പ്രവര്ത്തിക്കുക.
ദുരന്തത്തിന്റെ കാരണം കണ്ടെത്തല്, സംസ്ഥാനകേന്ദ്ര സര്ക്കാരുകള് നല്കിയ പരിസ്ഥിതി അനുമതികള് വിലയിരുത്തല്, കേന്ദ്ര പരിസ്ഥിതി വനം കാലാവസ്ഥാ വ്യതിയാന മന്ത്രാലയം നല്കിയ അനുമതികള്, കരാറുകാര് വ്യവസ്ഥകള് പാലിച്ചിട്ടുണ്ടോ എന്നിവ സമിതി പരിശോധിക്കും. കള്ളാടി തുരങ്കപാത നിര്മാണ മേഖലയിലെ സുരക്ഷാ വീഴ്ചകള്, സാങ്കേതിക പിഴവുകള്, പരിസ്ഥിതി അനുമതി നടപ്പാക്കല് എന്നിവയും സമിതി പരിശോധിക്കും. അന്വേഷണം പൂര്ത്തിയാക്കി
ഒരു മാസത്തിനകം സമിതി സര്ക്കാറിലേക്ക് റിപ്പോര്ട്ട് സമര്പ്പിക്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്