നിയന്ത്രണം വിട്ട കാറിടിച്ച് കാല്നടയാത്രികന് പരിക്ക്
പനമരം: പനമരം ജീയോമിക്സ് യൂണിറ്റിന് സമീപം നിയന്ത്രണം വിട്ട കാറിടിച്ച് കാല്നടയാത്രികന് പരിക്കേറ്റു. മില്ല്മുക്ക് സ്വദേശിയായ സഞ്ജയ് (18) നാണ് പരിക്കേറ്റത്. ഇന്ന് വൈകീട്ട് ആറ് മണിയോടെയായിരുന്നു സംഭവം. യുവാവിനെ ഇടിച്ച ശേഷം നിയന്ത്രണം വിട്ട കാര് വൈദ്യുതി പോസ്റ്റ് തകര്ത്ത് റോഡരികിലേക്ക് ഇടിച്ചുകയറുകയായിരുന്നു. ഇരിട്ടി സ്വദേശി ഷെര്വിന് (28) ഓടിച്ച കാറാണ് അപകടത്തില്പ്പെട്ടത്. ഇദ്ദേഹത്തിനും പരിക്കേറ്റിട്ടുണ്ട്.
മാനന്തവാടി ഭാഗത്തേക്ക് വരികയായിരുന്ന കാര് നിയന്ത്രണം വിട്ടാണ് അപകടമുണ്ടായതെന്ന് പ്രദേശവാസികള് പറഞ്ഞു.
സഞ്ജയിയുടെ കൈകാലുകള്ക്കും, ഷെര്വിന്റെ തോളിനുമാണ് പ്രധാനമായും പരിക്കേറ്റിരിക്കുന്നത്.ഇരുവരും നിലവില് മാനന്തവാടി മെഡിക്കല് കോളേജില് ചികിത്സയില് കഴിയുകയാണ്.ഇവരുടെ പരിക്കുകള് അതീവ ഗുരുതരമല്ലെന്നാണ് പ്രാഥമിക വിവരം.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്