ഫിസിക്കല് ലിറ്ററസി പ്രോഗ്രാം; വര്ക്ക്ഷോപ്പ് പൂര്ത്തിയായി
പന്തല്ലൂര്: കാലിക്കറ്റ് യൂണിവേഴ്സിറ്റി ഡിപ്പാര്ട്ട്മെന്റ് ഓഫ് ഫിസിക്കല് എജുക്കേഷന് നടപ്പിലാക്കുന്ന നാല് വര്ഷത്തെ ഫിസിക്കല് ലിറ്ററസി പ്രോഗ്രാമിന്റെ ഭാഗമായി ഒരു ദിവസത്തെ വര്ക്ക്ഷോപ്പ് എരുമാട് നീലഗിരി മെട്രിക്കുലേഷന് സ്കൂളില് വിജയകരമായി പൂര്ത്തിയായി.നീലഗിരി, പന്തല്ലൂര്, ഗൂഡല്ലൂര് താലൂക്കുകളിലെ 15 സ്കൂളുകളില് നിന്നുള്ള ഫിസിക്കല് എജുക്കേഷന് അദ്ധ്യാപകരും പ്രധാന അദ്ധ്യാപകരും പരിപാടിയില് പങ്കെടുത്തു.പ്രിന്സിപ്പല് മുഹമ്മദ് ജമാല് ഉദ്ഘാടനം നിര്വഹിച്ചു.
പ്രോജക്ട് ഡയറക്ടര് അമല് കോളേജ് കായിക വിഭാഗം ഡോ. നാഫി ചെറുപുറത്ത് അഹമദ് ഫായിസ് എന്നിവര് പ്രോജക്ട് അവതരണം നടത്തി.
തമിഴ്നാട് സ്റ്റേറ്റ് ഇന്വസ്റ്റിഗേറ്ററും നീലഗിരി കോളേജ് കായിക വിഭാഗം മേധാവിയുമായ ഡോ. സരില് വര്ഗീസ് പരിപാടിക്ക് നേതൃത്വം നല്കി.
കുട്ടികളിലെ കായികക്ഷമത ഉറപ്പുവരുത്തുക എന്ന ലക്ഷ്യത്തോടെയാണ് പ്രോജക്ട് നടപ്പിലാക്കുന്നതെന്ന് കാലിക്കറ്റ് യൂണിവേഴ്സിറ്റി പ്രോജക്ട് ഡയറക്ടര് ഡോ. സക്കീര് ഹുസൈന് പറഞ്ഞു.
വര്ക്ക്ഷോപ്പ് അദ്ധ്യാപകര്ക്ക് കായികക്ഷമത പരിശോധന, വിലയിരുത്തല്, പരിശീലന രീതികള് എന്നിവയെക്കുറിച്ച് വ്യക്തമായ ധാരണ നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്