ഓപ്പറേഷന് തണ്ടര്: കഞ്ചാവുമായി സഹോദരങ്ങളടക്കം മൂന്ന് പേര് അറസ്റ്റില്
ബാവലി: ലഹരിവസ്തുക്കള് ഉന്മൂലനം ചെയ്യുന്നതിനായി സംസ്ഥാന വ്യാപകമായി എക്സൈസ് ഡിപ്പാര്ട്മെന്റ് നടത്തി വരുന്ന ഓപ്പറേഷന് തണ്ടറിന്റെ ഭാഗമായി മാനന്തവാടി എക്സൈസ് സര്ക്കിള് ഇന്സ്പെക്ടര് എം ദിലീപിന്റെ നേതൃത്വത്തില് ബാവലി എക്സൈസ് ചെക്ക് പോസ്റ്റില് വെച്ച് ബാവലി എക്സൈസ് ചെക്ക് പോസ്റ്റ് പാര്ട്ടിയുമായി നടത്തിയ സംയുക്ത പരിശോധനയില് കാറില് കടത്തുകയായിരുന്ന 150 ഗ്രാം ഉണക്ക കഞ്ചാവ് പിടികൂടി. സംഭവവുമായി ബന്ധപ്പെട്ട് കണിയാരം സ്വദേശി പൂവളപ്പില് സാദിക്ക്. എം (30), സഹോദരന് ഷറഫുദ്ദീന്.എം (27), തവിഞ്ഞാല് സ്വദേശി ഗോകുലം വീട്ടില് ഉല്ലാസ് (25) എന്നിവരെ അറസ്റ്റു ചെയ്തു. കഞ്ചാവ് കടത്തിയ കെ.എല് 72 7645 നമ്പര് കാറും കസ്റ്റഡിയില് എടുത്തു. പരിശോധന പാര്ട്ടിയില് അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് അജയകുമാര് കെ. കെ, പ്രിവന്റീവ് ഓഫീസര് പ്രജീഷ് എ.സി, സിവില് എക്സൈസ് ഓഫീസര്മാരായ മഹേഷ് കെ.എം, വിപിന്.പി, അതുല് ആനന്ദ്, അമല് ജിഷ്ണു എന്നിവര് പങ്കെടുത്തു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്