കെഎസ്ആര്ടിസി 'പ്രിയദര്ശനി' പദ്ധതി: സ്വകാര്യ ബസുകള് കടുത്ത പ്രതിസന്ധിയില്, അടുത്തമാസം മുതല് സര്വീസ് നിര്ത്തിവച്ചേക്കും
കല്പ്പറ്റ: കെഎസ്ആര്ടിസിയുടെ 'പ്രിയദര്ശനി യാത്രാ പദ്ധതി'യെ തുടര്ന്ന് യാത്രക്കാരുടെ എണ്ണം ഗണ്യമായി കുറഞ്ഞതോടെ കടുത്ത പ്രതിസന്ധിയിലായി സംസ്ഥാനത്തെ സ്വകാര്യ ബസ് വ്യവസായം. സംസ്ഥാന സര്ക്കാര് പ്രഖ്യാപിച്ച നികുതി ഇളവ് അപര്യാപ്തമാണെന്നും, ഈ പ്രതിസന്ധി തുടര്ന്നാല് അടുത്ത മാസം മുതല് സര്വീസുകള് പൂര്ണ്ണമായി നിര്ത്തിവയ്ക്കേണ്ടി വരുമെന്നും പ്രൈവറ്റ് ബസ് ഓപ്പറേറ്റേഴ്സ് ഓര്ഗനൈസേഷന് ഭാരവാഹികള് മുന്നറിയിപ്പ് നല്കി.
കെഎസ്ആര്ടിസി ബസുകളില് പ്രിയദര്ശനി യാത്രാ പദ്ധതി ആരംഭിച്ചതിന് പിന്നാലെ സ്വകാര്യ ബസ്സുകളെ ആശ്രയിക്കുന്ന യാത്രക്കാരുടെ എണ്ണത്തില് വലിയ ഇടിവാണ് സംഭവിച്ചിരിക്കുന്നത്. ഇത് ദിനംപ്രതിയുള്ള കളക്ഷനെ സാരമായി ബാധിക്കുകയും ബസ്സുടമകളെ കടുത്ത സാമ്പത്തിക ബാധ്യതയിലേക്ക് തള്ളിവിടുകയും ചെയ്തു. ഈ പ്രതിസന്ധി മറികടക്കാന് സംസ്ഥാന സര്ക്കാര് ബജറ്റില് പ്രഖ്യാപിച്ച 50 ശതമാനം നികുതി ഇളവ് ഒന്നിനും തികയില്ലെന്ന് െ്രെപവറ്റ് ബസ് ഓപ്പറേറ്റേഴ്സ് ഓര്ഗനൈസേഷന് പ്രസിഡന്റ് ആര്. ശിവദാസന്, സെക്രട്ടറി എല്ദോ മാത്യു എന്നിവര് വ്യക്തമാക്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്